വർഷങ്ങൾ കഴിയുന്തോറും കൂടുതൽ ചെറുപ്പമായി കൊണ്ടിരിക്കുകയാണ് നടൻ മമ്മൂട്ടി. അടുത്തിടയിലാണ് താരം വെള്ളിത്തിരയിലെത്തിയിട്ട് 50 വർഷങ്ങൾ പൂർത്തീകരിച്ചത്. ഇപ്പോഴും അതേ ചുറുചുറുക്കോടെ തന്നെ അദ്ദേഹം സിനിമയിൽ തുടരുന്നു. ഇപ്പോഴിതാ സോഷ്യൽ മീഡിയയിൽ വൈറലാകുന്നത് മെഗാസ്റ്റാറിന്റെ പുതിയ ചിത്രത്തെ പ്രശംസിച്ചുകൊണ്ട് രംഗത്തെത്തിയിരിക്കുകയാണ് നടൻ മനോജ് കെ ജയൻ. പുതിയ പിള്ളേർക്ക് ജീവിച്ചു പോകണ്ടേ മമ്മൂക്ക എന്ന രസകരമായ തലക്കെട്ടോടുകൂടിയാണ് മനോജ് കെ ജയൻ മമ്മൂട്ടിയുടെ ചിത്രം തന്റെ സോഷ്യൽ മീഡിയയിലൂടെ പങ്കുവെച്ചിരിക്കുന്നത്.
‘എൻറെ മമ്മൂക്കാ….എന്താ ഇത്? ഒരു രക്ഷയുമില്ലല്ലോ. പുതിയ പിള്ളേർക്ക് ജീവിച്ചു പോകണ്ടേ? കിടുക്കി…തിമിർത്തു…കലക്കി…’ മനോജ് കെ. ജയൻ ചിത്രം പോസ്റ്റ് ചെയ്തുകൊണ്ട് ഇൻസ്റ്റഗ്രാമിൽ കുറിച്ചു.
താരങ്ങൾ ഉൾപ്പടെ നിരവധി പേരാണ് മമ്മൂട്ടിയുടെ പുതിയ ലുക്കിനെ പ്രശംസിച്ചുകൊണ്ടെത്തിയിരിക്കുന്നത്. ബാദുഷ, ആന്റോ ജോസഫ് ഉൾപ്പടെയുള്ളവർ മമ്മൂട്ടിയുടെ ചിത്രം പങ്കുവച്ചിട്ടുണ്ട്.
Post Your Comments