മോഹൻലാലിനെ നായകനാക്കി ഒരുക്കുന്നു സിനിമയുടെ കഥ ആയിക്കൊണ്ടിരിക്കുന്നുവെന്ന് സംവിധായകൻ വിനയൻ. തന്‍റെ പുതിയ ചിത്രമായ ‘പത്തൊമ്പതാം നൂറ്റാണ്ടി’ന്‍റെ ലൊക്കേഷനില്‍ നിന്നുള്ള ഒരു ചിത്രം ഫേസ്ബുക്കിലൂടെ വിനയന്‍ ഇന്നലെ പങ്കുവച്ചിരുന്നു. അതിനുതാഴെയാണ് ഒരു ആരാധകന്‍ ‘മോഹന്‍ലാല്‍ വിനയന്‍ ചിത്രം പ്രതീക്ഷിക്കാമോ’ എന്ന ചോദ്യവുമായി എത്തിയത്. ഇതിനു മറുപടിയായാണ് വിനയൻ ഇക്കാര്യം അറിയിച്ചത്. തീർച്ചയായും പ്രതീക്ഷിക്കാമെന്നും, കഥ ആവുന്നുവെന്നും വിനയൻ പറഞ്ഞു.
തന്നോടൊപ്പം ഒരു സിനിമ ചെയ്യാന്‍ മോഹന്‍ലാല്‍ സമ്മതിച്ചിട്ടുണ്ടെന്നും അതൊരു വലിയ സിനിമയായിരിക്കുമെന്നും വിനയന്‍ നേരത്തേ പറഞ്ഞിരുന്നു. എന്നാല്‍ തങ്ങള്‍ ഇരുവര്‍ക്കും അനുയോജ്യമായ ഒരു മാസ് എന്‍റര്‍ടെയ്‍നര്‍ ചിത്രം ഒരുക്കാനുള്ള കഥയ്ക്കായുള്ള കാത്തിരിപ്പിലാണെന്നും വിനയൻ പറഞ്ഞിരുന്നു.
Post Your Comments