വിജയ് ആന്റണി നായകനായെത്തിയ ചിത്രമാണ് പിച്ചൈകാരൻ. മികച്ച വിജയം കൈവരിച്ച സിനിമയുടെ രണ്ടാം ഭാഗം വരുന്നുവെന്ന റിപ്പോർട്ടാണ് ഇപ്പോൾ പുറത്തു വരുന്നത്. ‘പിച്ചൈകാരൻ 2’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് വിജയ് ആന്റണി തന്നെയാണ്. സംവിധായകന്‍ എ ആര്‍ മുരുഗദോസ് ആണ് വിജയ് ആന്റണി സംവിധായകനാവുന്ന വിവരം സോഷ്യല്‍ മീഡിയയിലൂടെ അറിയിച്ചത്.
‘ഡയറക്ടേഴ്സ് ക്ലാനിലേക്ക് വിജയ് ആന്റണിക്ക് സ്വാഗതം. പിച്ചൈകാരൻ 2ന് എല്ലാവിധ ആശംസകളും നേരുന്നു’, എന്നാണ് മുരുഗദോസ് ട്വീറ്റ് ചെയ്തത്.
Welcome to the Director’s Clan ‘Director’ @vijayantony ?? Wishing you the very best for #Pichaikkaran2 & #Bichagadu2 ? Blockbuster 2022 ahead for you! @vijayantonyfilm @mrsvijayantony pic.twitter.com/2AHyYOjceE
— A.R.Murugadoss (@ARMurugadoss) July 24, 2021
തമിഴിലും തെലുങ്കിലും ഒരേസമയം ചിത്രീകരിക്കുന്ന ചിത്രത്തിന് ‘ബിച്ചഗഡു 2’ എന്ന തെലുങ്കിൽ പേര് നൽകിയിരിക്കുന്നത്. വിജയ് ആന്റണി ഫിലിം കോര്‍പ്പറേഷന്‍റെ ബാനറില്‍ വിജയ് തന്നെയാണ് ചിത്രം നിർമിക്കുന്നത്. ചിത്രത്തിന്റെ രചനയും സംഗീതവും അദ്ദേഹം തന്നെയാണ് നിർവഹിക്കുന്നത്. ഛായാഗ്രഹണം തേനി ഈശ്വര്‍ ആണ്.
2016ല്‍ പുറത്തെത്തിയ പിച്ചൈക്കാരന്‍ വിജയ് ആന്റണിയുടെ കരിയറിലെ തന്നെ ഏറ്റവും വലിയ വിജയങ്ങളിൽ ഒന്നാണ്. ശശിയാണ് പിച്ചൈക്കാരന്‍ സംവിധാനം ചെയ്തത്.
Post Your Comments