മേക്കപ്പ് ചെയ്യുന്നവർക്ക് യാതൊരു സമാധാനവും കൊടുക്കില്ല ഞാൻ: വീഡിയോയുമായി നവ്യ

പ്രേഷകരുടെ പ്രിയപ്പെട്ട നടിയാണ് നവ്യാ നായർ. സോഷ്യൽ മീഡിയയിൽ വളരെ സജീവമായ താരം തന്റെ ചിത്രങ്ങൾ എല്ലാം പ്രേക്ഷകരുമായി പങ്കുവെയ്ക്കാറുണ്ട്. ഇപ്പോഴിതാ നവ്യ പങ്കുവെച്ച പുതിയ ഒരു വീഡിയോയാണ് ശ്രദ്ധേയമാകുന്നത്. മേക്കപ്പ് ചെയ്യുന്ന വീഡിയോയാണ് താരം പങ്കുവെച്ചിരിക്കുന്നത്.

‘മേക്കപ്പ് ചെയ്യുന്നവർക്ക് യാതൊരു വിധത്തിലും സമാധാനം കൊടുക്കില്ല എന്നുറപ്പിച്ചു ഞാൻ’ എന്ന അടിക്കുറിപ്പോടെയാണ് നവ്യ വീഡിയോ പങ്കുവച്ചിരിക്കുന്നത്. വീഡിയോയിൽ മേക്കപ്പ് മാൻ മേക്കപ്പ് ചെയ്യുന്നത് ഹെയർ സ്റ്റൈലിംഗ് ചെയ്യുന്നതെല്ലാം കാണാം. എന്നാൽ നവ്യ ആ സമയം ആസ്വദിച്ചു പാട്ടു പാടുകയാണ്.

നിരവധിപേരാണ് വീഡിയോക്ക് കമന്റ് ചെയ്യുന്നത്. ചിലർ പാട്ടു ഗംഭീരമായി എന്നൊക്കെ കമന്റ് ചെയ്യുമ്പോൾ ചിലരുടെ കമന്റ് മേക്കപ്പിനെ കുറിച്ചാണ്. സിമ്പിൾ മേക്കപ്പാണ് നല്ലത് എന്നുള്ള കമന്റുകളൊക്കെ വീഡിയോക്ക് താഴെ കാണാം.

https://www.instagram.com/tv/CRO3hjVD2Hw/?utm_source=ig_embed&ig_rid=1a07062e-6d9a-4d11-80b1-5510a1ae3a4e

നീണ്ടൊരു ഇടവേളയ്ക്കുശേഷം വി.കെ.പ്രകാശ് സംവിധാനം ചെയ്യുന്ന ‘ഒരുത്തീ’ എന്ന ചിത്രത്തിലൂടെ മലയാള സിനിമയിലേക്കു മടങ്ങിയെത്താൻ ഒരുങ്ങുകയാണ് നവ്യ നായർ.