ഡാൻസ് വീഡിയോയിലൂടെ വിജയ്‌ക്ക് പിറന്നാൾ ആശംസിച്ച് കീർത്തി സുരേഷ്: വീഡിയോ

ഇന്നലെയായിരുന്നു നടൻ വിജയ്‍യുടെ പിറന്നാൾ. നിരവധി ആരാധകരും താരങ്ങളുമാണ് വിജയ്ക്ക് ആശംസ അറിയിച്ചുകൊണ്ട് രംഗത്തെത്തിയത്. ഇപ്പോഴിതാ നടി കീർത്തി സുരേഷ് വിജയ്ക്ക് ആശംസ അറിയിച്ചുകൊണ്ട് പങ്കുവെച്ച വീഡിയോയാണ് വൈറലാകുന്നത്. 2002 ൽ പുറത്തിറങ്ങിയ വിജയ് സിനിമ ഭൂപതിയിലെ ‘ആൾ തോട്ട ഭൂപതി’ എന്ന പാട്ടിന് നൃത്തം ചെയ്താണ് കീർത്തി പിറന്നാൾ ആശംസിച്ചത്. വിജയ്‌യുടെ വലിയൊരു ആരാധികയാണ് താനെന്നും കീർത്തി ഇൻസ്റ്റഗ്രാമിൽ കുറിച്ചിട്ടുണ്ട്.

കഴിഞ്ഞ ദിവസം വിജയ്‌യുടെ പിറന്നാളിന് മുന്നോടിയായി താരത്തിനൊപ്പം വർക്ക് ചെയ്ത സഹപ്രവർത്തകരും സംവിധായകരും ട്വിറ്ററിൽ ഒരുമിച്ച് സംവദിച്ചിരുന്നു. ഈ അവസരത്തിൽ വിജയ്ക്ക് ചൈനീസ് ഭക്ഷണം ഒരുപാട് ഇഷ്ടമാണെന്ന് കീർത്തി വെളിപ്പെടുത്തിയിരുന്നു. എപ്പോഴെങ്കിലും വിജയ് തന്റെ വീട്ടിൽ വരികയാണെങ്കിൽ അദ്ദേഹത്തിനായി ചൈനീസ് ഭക്ഷണം താൻ പാചകം ചെയ്യുമെന്നും കീർത്തി പറഞ്ഞിരുന്നു.

ഭൈരവ, സർക്കാർ എന്നീ സിനിമകളിൽ വിജയ്‌യുടെ നായികയായി കീർത്തി അഭിനയിച്ചിട്ടുണ്ട്.

https://www.instagram.com/reel/CQa0-DXJwBQ/?utm_source=ig_web_copy_link