സോഷ്യൽ മീഡിയയിൽ വളരെ സജീവമാണ് നടി അഹാന കൃഷ്ണ. സ്വന്തം അഭിപ്രായം തുറന്നു പറയാൻ മടി കാണിക്കാത്ത താരം പലപ്പോഴും സൈബര്‍ ആക്രമണങ്ങള്‍ക്ക് ഇരയാകാറുണ്ട്. ഇത്തവണത്തെ നിയമസഭാ തിരഞ്ഞെടുപ്പിൽ അച്ഛനും നടനുമായ കൃഷ്ണകുമാർ ബി. ജെ. പി സ്ഥാനാർത്ഥിയായി മത്സരിച്ചതോടെ അഹാനയുടെ രാഷ്ട്രീയം സംബന്ധിച്ചും സൈബർ ആക്രമണം നടന്നിരുന്നു. ഇപ്പോഴിതാ അത്തരത്തിൽ തന്റെ രാഷ്ട്രീയ പാർട്ടി ചോദിച്ചെത്തിയയാൾക്ക് അഹാന നൽകിയ മറുപടിയാണ് വൈറലാകുന്നത്.
‘നിങ്ങള്‍ ബിജെപിയാണോ’ എന്നാണ് അഹാനയുടെ പോസ്റ്റിന് താഴെ എത്തിയ കമന്റ്. ‘ഞാന്‍ മനുഷ്യനാണ്. കൂടുതല്‍ മെച്ചപ്പെട്ട മനുഷ്യനാകാനാണ് ശ്രമിക്കുന്നത്. നിങ്ങളോ?” എന്നാണ് അഹാന നൽകിയ മറുപടി. എന്നാൽ കമന്റ് ചെയ്തയാൾ അത് ഡിലീറ്റ് ചെയ്തെങ്കിലും, അഹാന സ്ക്രീൻഷോട്ട് സഹിതം ഇൻസ്റ്റഗ്രാം സ്റ്റോറിയിൽ പോസ്റ്റ് ചെയ്യുകയായിരുന്നു.
‘എന്റെ ഏറ്റവും പുതിയ ഇന്‍സ്റ്റഗ്രാം പോസ്റ്റില്‍ ഒരാള്‍ ഈ ചോദ്യം ചോദിച്ചു. ഞാന്‍ മറുപടിയും കൊടുത്തു. ഇത് ശ്രദ്ധ പിടിച്ച് പറ്റാനുള്ള വിലകുറഞ്ഞ രീതികളാണ്. അതുകൊണ്ടാവും അയാള്‍ കമന്റ് ഡിലീറ്റ് ചെയ്യുകയും ചെയ്തു. എന്തായാലും ഇതേ സംശയമുള്ള എല്ലാവരോടും എനിക്ക് പറയാനുള്ള മറുപടി ഇതാണ്’ – സ്ക്രീൻഷോട്ട് പങ്കുവച്ച് അഹാന കുറിച്ചു.
Post Your Comments