എന്റെ മമ്മൂട്ടി ചിത്രത്തിന്റെ സംവിധായകൻ ഇതാണ് ; പുതിയ സിനിമയുടെ പ്രഖ്യാപനവുമായി മുരളി ഗോപി

അടുത്തിടയിലാണ് നടനും തിരക്കഥാകൃത്തുമായ മുരളി ഗോപി തന്റെ അടുത്ത കഥ മമ്മൂട്ടിയ്ക്ക് വേണ്ടിയുള്ളതായിരിക്കും എന്ന് പ്രഖ്യാപിച്ചത്. ഇപ്പോഴിതാ സിനിമയുടെ സംവിധായകൻ ആരാണെന്ന് വെളിപ്പെടുത്തിയിരിക്കുകയാണ് മുരളി ഗോപി. നവാഗതനായ ഷിബു ബഷീറാണ് ചിത്രത്തിന്റെ സംവിധായകനായി എത്തുന്നത്. ഫേസ്ബുക്കിലൂടെയാണ് മുരളി ഇക്കാര്യം അറിയിച്ചത്. ഇരുവരും ഒന്നിച്ചുളള ചിത്രവും താരം പങ്കുവെച്ചു.

‘നവാഗത സംവിധായകൻ ഷിബു ബഷീറിനൊപ്പം. എന്റെ സ്‌ക്രിപ്പിറ്റിലെ മമ്മൂട്ടി സിനിമ സംവിധാനം ചെയ്യുന്നത് ഇദ്ദേഹമാണ്‘ എന്നാണ് മുരളി ​ഗോപി ചിത്രത്തോടൊപ്പം കുറിച്ചത്. ബിഗ് ബജറ്റിൽ ഒരുങ്ങുന്ന ചിത്രം അടുത്തവർഷം ചിത്രീകരണം ആരംഭിക്കുമെന്നാണ് റിപ്പോർട്ടുകൾ. ഫ്രൈഡേ ഫിലിമ്സിന്റെ ബാനറിലാണ്ചിത്രം ഒരുങ്ങുന്നത്.

https://www.facebook.com/murali.gopy/posts/425104332305271

മുരളി ഗോപി തിരക്കഥ എഴുതി വിജയ് ബാബു നിർമിക്കുന്ന മറ്റൊരു ചിത്രമാണ് തീർപ്പ്. മുരളി ഗോപിയും രതീഷ് അമ്പാട്ടും വിജയ് ബാബുവും ചേര്‍ന്നാണ് ഈ ചിത്രം നിര്‍മ്മിക്കുന്നത്.