ആരാധകൻ ആവശ്യപ്പെട്ടു ; ജാക്കറ്റ് ഊരി കൊടുത്ത് വിദ്യുത് ജാംവാൽ, പിന്നാലെ ടീ ഷർട്ടും ഹെൽമറ്റും കൂടി വേണമെന്ന് ആരാധകൻ

സിനിമാ താരങ്ങൾ ആരാധകരോട് കാണിക്കുന്ന സ്നേഹവും മറ്റും വർത്തയാകാറുണ്ട്. അത്തരത്തിൽ ബോളിവുഡ് നടൻ വിദ്യുത് ജംവാൽ തന്റെ ആരാധകൻ ആവശ്യപ്പെട്ടത് എല്ലാം നൽകുന്ന ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. വർക്കൗട്ട് കഴിഞ്ഞ് ജിമ്മിൽ നിന്നും ഇറങ്ങുന്ന വഴിയാണ് ആരാധകനായ ഒരു യുവാവ് താരത്തിനരികിലേയ്ക്ക് ഓടിയെത്തിയത്.

താരത്തിന്റെ അടുത്തെത്തിയ യുവാവ് വിദ്യുതിനെ ഏറെ ഇഷ്ടമാണെന്നും അദ്ദേഹം അണിഞ്ഞിരിക്കുന്ന ജാക്കറ്റിനെയും പ്രശംസിച്ചു. ഉടൻ തന്നെ തന്റെ വിലകൂടിയ ജാക്കറ്റ് ആ ആരാധകന് വിദ്യുത് സമ്മാനിക്കുകയായിരുന്നു. താങ്കളുടെ സ്നേഹത്തിനുള്ള സമ്മാനമാണിതെന്നും നന്നായി സൂക്ഷിക്കണമെന്നും ജാക്കറ്റ് നൽകിയ ശേഷം വിദ്യുത് പറഞ്ഞു.

എന്നാൽ നടൻ നൽകിയത് ഒന്നും തൃപ്തിയാകാഞ്ഞ യുവാവ് പിന്നീട് ടീ ഷർട്ടും ഹെൽമറ്റും വേണമെന്ന് വിദ്യുത്തിനോട് ആവാശ്യപ്പെട്ടു. ഉടനെ തന്റെ ഹെൽമറ്റും ടീഷർട്ടും തന്റെ കയ്യിലുണ്ടായിരുന്ന തൊപ്പിയും ആരാധകനു നൽകിയ ശേഷമാണ് വിദ്യുത് അവിടെ നിന്നും മടങ്ങിയത്.