“ആരംഭിക്കലാമാ?” കമൽഹാസനൊപ്പമുള്ള ചിത്രവുമായി സംവിധായകൻ ലോകേഷ് കനകരാജ്

മഹാനഗരം എന്ന ആദ്യചിത്രത്തിലൂടെ തമിഴിന്റെ പ്രിയ സംവിധായകനായ ലോകേഷ് കനകരാജിന്റെ പുതിയ ചിത്രമാണ് കമൽഹാസൻ നായകനാകുന്ന ‘വിക്രം’. ചിത്രത്തിൽ കമൽഹാസനൊപ്പം മലയാളികളുടെ പ്രിയതാരം ഫഹദ് ഫാസിലും എത്തുന്നുണ്ട്. ചിത്രത്തിൽ ഫഹദിന്റേത് വില്ലൻ കഥാപാത്രമാണെന്നാണ് ലഭ്യമായ വിവരം.

ഇപ്പോൾ വർത്തയാകുന്നത് സംവിധായകൻ ലോകേഷിന്റെ ഫേസ്ബുക്ക് പോസ്റ്റാണ്. ‘ആരംഭിക്കാം?’ എന്ന ക്യാപ്ഷനിൽ ലോകേഷ് തന്നെ കമലുമൊത്തുള്ള ചിത്രം ഫേസ്ബുക്കിൽ പോസ്റ്റ് ചെയ്തിരുന്നു. വിക്രത്തിന്റെ ചിത്രീകരണം ആരംഭിക്കുന്നതിനെ കുറിച്ചാണ് ലോകേഷ് പറഞ്ഞിട്ടുള്ളത്. ആരാധകർക്കിടയിൽ വൈറലാകുകയാണ് ചിത്രം, നിരവധി പേരാണ് സംവിധായകന് ആശംസയറിയിച്ച് രംഗത്തെത്തുന്നത്.

വിക്രം നിർമിക്കുന്നത് കമൽഹാസന്റെ നിര്‍മ്മാണ കമ്പനിയായ രാജ്കമല്‍ ഫിലിംസ് തന്നെയാണ്. ഗ്യാങ്സ്റ്റര്‍ സിനിമയാണ് വിക്രം. അനിരുദ്ധാണ് ചിത്രത്തിന്റെ സംഗീത സംവിധാനം. കൈതി, മാസ്റ്റർ എന്നീ സൂപ്പർഹിറ്റ് ചിത്രങ്ങളാണ് ഇതിന് മുൻപ് ലോകേഷ് കനകരാജിന്റെതായി പുറത്തുവന്നത്.