സംവിധായകൻ ടി.എസ്. മോഹൻ അന്തരിച്ചു

സംവിധായകനും തിരക്കഥാകൃത്തുമായ ടി.എസ്. മോഹൻ (72 )അന്തരിച്ചു. എറണാകുളത്തെ വസതിയിൽ വച്ചായിരുന്നു അന്ത്യം. ‘ലില്ലിപ്പൂക്കൾ’, ‘വിധിച്ചതും കൊതിച്ചതും’, ‘ബെൽറ്റ് മത്തായി’, ‘താളം’, ‘പടയണി’, ‘കേളികൊട്ട്’, ‘കൗശലം’, ‘ശത്രു’ തുടങ്ങിയ സിനിമകളുടെ സംവിധായകനാണ്.

1979 ൽ സുകുമാരൻ, കൃഷ്ണചന്ദ്രൻ, വിൻസന്റ്, രതീഷ്, പ്രമീള, ശോഭ എന്നിവർ അഭിനയിച്ച് ശ്രദ്ധേയമായ ലില്ലിപ്പൂക്കൾ ആയിരുന്നു ആദ്യ ചിത്രം.1993 ൽ ബെന്നി പി. നായരമ്പലത്തിന്റെ രചനയിൽ സിദ്ധിഖ്, ഉർവശി എന്നിവർ അഭിനയിച്ച കൗശലമാണ് അവസാന ചിത്രം.
മമ്മൂട്ടി, പൃഥ്വിരാജ് തുടങ്ങിയവർ ടി.എസ്. മോഹന് ആദരാഞ്ജലികൾ അർപ്പിച്ചിട്ടുണ്ട്.