വിശാഖപട്ടണം: തെലുങ്ക് നടൻ പവന്‍ കല്യാണിന്‍റെ പുതിയ ചിത്രത്തിന്റെ ട്രെയിലര്‍ റിലീസിന് ആരാധകര്‍ തിയറ്റര്‍ തകര്‍ത്തു. ആന്ധ്രപ്രദേശ് വിശാഖപട്ടണം സഘം ശരത് തിയറ്ററിലാണ് സംഭവം. ട്രെയിലര്‍ റിലീസായതോടെ ആരാധകര്‍ തിയറ്ററിന്‍റെ മുന്‍വശത്തെ ചില്ലു തകര്‍ത്ത് തിയറ്ററിന് അകത്തേക്ക് പാഞ്ഞുകയറുകയായിരുന്നു.
തിങ്കളാഴ്ചയാണ് പുതിയ ചിത്രമായ ‘വക്കീല്‍ സാബി’ന്‍റെ ട്രെയിലര്‍ റിലീസ് ചെയ്തത്. ഹോളിയോട് അനുബന്ധിച്ചായിരുന്നു റിലീസ്. വൈകിട്ട് നാലുമണിക്ക് വളരെ കുറച്ച്‌ തിയറ്ററില്‍ മാത്രമാണ് ട്രെയിലര്‍ റിലീസ് ചെയ്തത്. തിങ്കളാഴ്ച ഉച്ച രണ്ടുമണിയോടെ തന്നെ ആരാധകര്‍ തിയറ്ററിന് പുറത്ത് തടിച്ചുകൂടി പൂജ നടത്തുകയും തേങ്ങ ഉടക്കുകയും ചെയ്തിരുന്നു. ഇതിന്റെ വീഡിയോ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്.
ബോളിവുഡ് താരം അമിതാഭ് ബച്ചന്‍റെ പിങ്ക് എന്ന ചിത്രത്തിന്റെ തെലുഗു റീമേക്കാണ് വക്കീല്‍ സാബ്.
Post Your Comments