ഇലക്ഷന്‍ റാലിയില്‍ വാത്തി കമിങിന് ചുവടുവെച്ച്‌ നമിത

പ്രേഷകരുടെ പ്രിയപ്പെട്ട തെന്നിന്ത്യന്‍ താരമാണ് നമിത. ഇപ്പോഴിതാ തമിഴ്‌നാട്ടില്‍ നിന്ന് മത്സരിയ്ക്കുന്ന ബിജെപി സ്ഥാനാര്‍ത്ഥിയ്ക്കുവേണ്ടി പ്രചാരണത്തിനിറങ്ങുകയാണ് താരം. ഇതിന്റെ ചിത്രങ്ങളും വീഡിയോകളും ചിത്രങ്ങളുമെല്ലാം സോഷ്യൽ മീഡിയയിൽ
വൈറലായിക്കൊണ്ടിരിക്കുകയാണ്.

പ്രചാരണത്തിനിടയിൽ വിജയ് ചിത്രം മാസ്റ്ററിലെ വാത്തി കമിങിന് നമിത ചുവടുവെയ്ക്കുകയും ചെയ്തു. മത്സരാർത്ഥിയായ വനതി ശ്രീനിവാസ് തന്നെയാണ് നമിത ഇലക്ഷന്‍ റാലിയില്‍ ഡാന്‍സ് കളിയ്ക്കുന്ന വീഡിയോ പങ്കുവച്ചിരിയ്ക്കുന്നത്. കോയമ്പത്തൂരിൽ നിന്ന് മത്സരിയ്ക്കുന്ന വനതിയ്ക്ക് പിന്തുണയുമായി എത്തിയതാണ് നമിത.

ബിജെപി പാര്‍ട്ടിയോടുള്ള തന്റെ താത്പര്യം നേരത്തെയും നമിത പ്രകടിപ്പിച്ചിട്ടുണ്ട്. നരേന്ദ്ര മോദിയോടുള്ള കടുത്ത ആരാധനയാണ് ബിജെപിയിലേക്ക് അടുപ്പിച്ചതെന്നും നമിത പറയുന്നു. രാജ്യത്തിനെ ഇത്രത്തോളം സ്നേഹിക്കുന്ന മറ്റൊരു നേതാവിനെ കണ്ടിട്ടില്ലെന്നും നമിത പറഞ്ഞിരുന്നു.