അന്തരിച്ച തമിഴ് നടൻ തീപ്പെട്ടി ഗണേശന്റെ കുട്ടികളുടെ സംരക്ഷണം ഏറ്റെടുക്കുമെന്ന് നടൻ രാഘവ ലോറൻസ്. ട്വിറ്ററിലൂടെയാണ് രാഘവ ഇക്കാര്യം അറിയിച്ചത്. ‘സഹോദരാ. താങ്കളുടെ കുട്ടികളുടെ കാര്യങ്ങൾ ഞാൻ സംരക്ഷിക്കും.. അങ്ങേയ്ക്ക് ആത്മശാന്തി നേരുന്നു‘ എന്നാണ് ലോറൻസ് ട്വീറ്റ് ചെയ്തത്.
ഹൃദയാഘാതത്തെ തുടർന്നായിരുന്നു ഗണേശന്റെ അന്ത്യം. ബില്ല 2, തേൻമേർക്കു പരുവക്കാട്ര്, നീർപ്പറവൈ, കണ്ണേ കലൈമാനെ, കോലമാവ് കോകില, മലയാളചിത്രം ഉസ്‍താദ് ഹോട്ടൽ തുടങ്ങിയ ചിത്രങ്ങളിൽ അഭിനയിച്ചിട്ടുണ്ട്.
ലോക്ക് ഡൗൺ കാലത്ത് കടുത്ത സാമ്പത്തിക പ്രയാസം നേരിട്ട ഗണേശ് നടൻ അജിത്തിനോട് സഹായം അഭ്യർഥിക്കുന്ന ഒരു വീഡിയോ സോഷ്യൽ മീഡിയയിൽ വൈറൽ ആയിരുന്നു. അന്നും രാഘവ ലോറൻസ്, സ്നേഹൻ എന്നിവർ കാർത്തിക്കിൻറെ കുടുംബത്തിന് സാമ്പത്തിക സഹായം നൽകിയിരുന്നു.
Post Your Comments