ജിസ് ജോയ് സംവിധാനം ചെയ്യുന്ന ഏറ്റവും പുതിയ ചിത്രമായ ‘മോഹന്‍കുമാര്‍ ഫാന്‍സ്’ റിലീസിന് തയ്യാറെടുക്കുമ്പോള്‍ തന്റെ സിനിമയില്‍ ആദ്യമായി നായകനാകുന്ന കുഞ്ചാക്കോ ബോബനെക്കുറിച്ചുള്ള ഒരു ഭൂതകാല ഓര്‍മ്മ പങ്കുവയ്ക്കുകയാണ് സംവിധായകനായ ജിസ് ജോയ്
ജിസ് ജോയിടെ വാക്കുകള്‍
“ഞാന്‍ ജീവന്‍ ടിവിയില്‍ വര്‍ക്ക് ചെയ്ത സമയത്ത് ‘കസ്തൂരിമാന്‍’ എന്ന സിനിമയെക്കുറിച്ചുള്ള പ്രൊമോഷന്‍ ചെയ്തിരുന്നു. ഞാന്‍ ദൈവ തുല്യനായി കാണുന്ന ലോഹി സാര്‍ അന്ന് എന്നോട് കുഞ്ചാക്കോ ബോബനെക്കുറിച്ച് പറഞ്ഞത് അയാള്‍ ഒരു അസാമാന്യ പ്രതിഭയാണ് എന്നായിരുന്നു. അന്ന് വരെ ഒരു ചോക്ലേറ്റ് ഇമേജില്‍ ഞാനും, സുഹൃത്തുക്കളുമൊക്കെ കണ്ടിരുന്ന കുഞ്ചാക്കോ ബോബനെക്കുറിച്ച് ഞാന്‍ ഏറ്റവും ദൈവ തുല്യനായി കാണുന്ന ലോഹി സാര്‍ അങ്ങനെ പറഞ്ഞപ്പോള്‍ എനിക്കും കുഞ്ചാക്കോ ബോബന്‍ എന്ന നടനെക്കുറിച്ച് മതിപ്പുണ്ടായി. ഇന്ന് എന്റെ സിനിമയില്‍ അദ്ദേഹം അഭിനയിക്കുമ്പോള്‍ അന്ന് പറഞ്ഞ ലോഹി സാറിന്റെ വാചകമാണ് എന്റെ മനസ്സില്‍ നിറയുന്നത്. കൂടെ നില്‍ക്കുന്ന നടനോ നടിയോ ആയാലും അവര്‍ക്ക് കൂടി തനിക്കൊപ്പം സ്ക്രീന്‍ സ്പേസ് കൊടുക്കാന്‍ പറയുന്ന മികച്ച വ്യക്തിത്വമുള്ള നടനാണ് ചാക്കോച്ചന്‍”. ജിസ് ജോയ് പറയുന്നു.
Post Your Comments