ആരെങ്കിലും നല്ലൊരു വസ്ത്രം വാങ്ങി നല്‍കണേ ; നിമിഷ സജയനെതിരെ സൈബർ ആക്രമണം

മലയാളികളുടെ പ്രിയപ്പെട്ട താരമാണ് നിമിഷ സജയൻ. ആദ്യ ചിത്രത്തിലൂടെ തന്നെ ശ്രദ്ധേയയായ നിമിഷ വിരലിൽ എണ്ണാവുന്ന ചിത്രങ്ങൾ കൊണ്ട് തന്നെ തന്റെ പ്രതിഭ തെളിയിച്ച താരമാണ്. ഒരു കുപ്രസിദ്ധ പയ്യൻ, ചോല എന്നീ ചിത്രങ്ങളിലെ അഭിനയത്തിലൂടെ മികച്ച നടിയ്ക്കുള്ള സംസ്ഥാന അവാർഡും നിമിഷ കരസ്ഥമാക്കി.

സോഷ്യല്‍ മീഡിയകളില്‍ സജീവമാണ് നടി. യാത്രകളും താരം ഏറെ ഇഷ്ടപ്പെടുന്നുണ്ട്. യാത്രയില്‍ പകര്‍ത്തിയ ചിത്രങ്ങളും മറ്റും നിമിഷ സോഷ്യല്‍ മീഡിയകളില്‍ പങ്കുവെയ്ക്കാറുമുണ്ട്. എന്നാല്‍ ഇപ്പോള്‍ നിമിഷ പങ്കുവെച്ച ഒരു ചിത്രത്തിന് നേരെ കടുത്ത വിമര്‍ശനമാണ് ഉയരുന്നത്.

https://www.instagram.com/p/CMELFNOHtQt/?utm_source=ig_web_copy_link

ഓറഞ്ച് ടോപ്പിനൊപ്പം ജീന്‍സ് ധരിച്ച മോഡേൺ ചിത്രമാണ് നിമിഷ പങ്കുവെച്ചത്. ജീന്‍സ് കാല്‍ മുട്ട് മുതല്‍ മുകളിലേക്ക് കീറി കാലുകള്‍ കാണാവുന്ന നിലയിലാണ്. ഇതാണ് ചില സൈബർ ആങ്ങളമാരെ ചൊടിപ്പിച്ചിരിക്കുന്നത്. ആരെങ്കിലും ഈ കുട്ടിക്ക് നല്ലൊരു വസ്ത്രം വാങ്ങി നല്‍കണേ, ഇത്രയും കാലത്തിന് ഇടയ്ക്ക് ഇങ്ങനെ ഒരു പാന്റ് പിച്ചക്കാര്‍ക്ക് പോലും കണ്ടില്ലല്ലോ, നല്ലൊരു നടി ആയിരുന്നു ഇപ്പോള്‍ ഈ ഗതി വന്നല്ലോ, എന്നിങ്ങനെ നിരവധി കമന്റുകള്‍ ആണ് ചിത്രത്തിന് ലഭിക്കുന്നത്. എന്നാൽ വിമർശനങ്ങളോട് ഇതുവരെ താരം പ്രതികരിച്ചിട്ടില്ല.