മമ്മൂട്ടി വൈദിക വേഷത്തിൽ എത്തിയ പ്രീസ്റ്റിന് പിന്നാലെ വൈദിക വേഷവുമായി എത്തുകയാണ് യുവതാരം സിജു വിൽസൺ. സിജു നായകനായെത്തുന്ന ‘വരയൻ’ റിലീസിനായി ഒരുങ്ങുന്നു. ലിയോണ ലിഷോയ്‌ ആണ് നായികാകഥാപാത്രത്തെ അവതരിപ്പിക്കുന്നത്. മെയ് 28-ന് ചിത്രം തീയേറ്ററുകളിൽ റീലീസ് ചെയ്യും. സിനിമയുടെ ഫസ്റ്റ്ലുക്ക് പോസ്റ്റർ ഏറെ ശ്രദ്ധേയമായിരുന്നു.
ലോക്ക്‌ ഡൗണിനു മുൻപ്‌ ചിത്രീകരണം പൂർത്തിയാക്കി പോസ്റ്റ് പ്രോഡക്ഷൻ ജോലികൾ കഴിഞ്ഞ് റിലീസിന് തയ്യാറായിരിക്കുകയാണ് ചിത്രം.
സിജു വിൽസണോടൊപ്പം മണിയൻപിള്ള രാജു, ജോയ് മാത്യു, വിജയരാഘവൻ, ബിന്ദു പണിക്കർ, ജയശങ്കർ, ലിയോണ, സംവിധായകൻ ജൂഡ്‌ ആന്‍റണി ജോസഫ്‌, ഡാവിഞ്ചി, അരിസ്റ്റോ സുരേഷ് എന്നിവരെ കൂടാതെ നിരവധി പുതുമുഖങ്ങളും ചിത്രത്തിൽ അഭിനയിക്കുന്നുണ്ട്.
സിജു വിൽസൺ സിനിമയുടെ റിലീസ് തീയേതി പ്രഖ്യാപിച്ചുകൊണ്ട് ഇൻസ്റ്റയിൽ കുറിച്ചിരിക്കുന്നത് ഇങ്ങനെയാണ്, ”കൂടുതൽ ഡെക്കറേഷൻ ഒന്നുമില്ല. എല്ലാവർക്കും ഇഷ്ട്ടപ്പെടുന്ന സിനിമ ആയിരിക്കും വരയൻ എന്നാണ് വിശ്വാസം. അത്രയ്ക്ക് ആത്മാർത്ഥമായി ഞങ്ങളെല്ലാവരും ഈ സിനിമ നന്നാക്കുവാൻ വേണ്ടി ശ്രമിച്ചിട്ടുണ്ട്. ഇനി നിങ്ങളാണ് കണ്ടിട്ട് പറയേണ്ടത്”
Post Your Comments