‘രാധേ’ ഈദിന് തന്നെ എത്തും ; ചിത്രത്തിന്റെ റിലീസ് പ്രഖ്യാപിച്ച് സൽമാൻ ഖാൻ

ബോളിവുഡ് നടൻ സൽമാൻ ഖാൻ നായകനായെത്തുന്ന ഏറ്റവും പുതിയ ചിത്രമാണ് ”രാധേ”. ആരാധകർ ഏറെ ആകാംഷയോടെ കാത്തിരിക്കുന്ന ചിത്രത്തിന്റെ റിലീസ് തീയതി പ്രഖ്യാപിച്ചിരിക്കുകയാണ്. സൽമാൻ ഖാൻ തന്നെയാണ് തന്റെ ഇൻസ്റ്റഗ്രാമിലൂടെ സിനിമയുടെ റിലീസ് തീയതി പുറത്തുവിട്ടത്.

മെയ് 13 ന് ഈദ് റിലീസായാണ് ചിത്രം പുറത്തിറങ്ങുന്നത്. ചിത്രത്തിന്റെ പുതിയ പോസ്റ്ററും സൽമാൻ പുറത്തുവിട്ടിട്ടുണ്ട്. രാധേ ഈദിന് എത്തുമെന്ന് സൽമാൻ നേരത്തേ തന്നെ ഉറപ്പ് നൽകിയിരുന്നു. ഈദിന് തന്നെ എത്തുകയും ചെയ്യും എന്ന് താരം സോഷ്യൽമീഡിയയിൽ കുറിച്ചു.

https://www.instagram.com/p/CMWVHwClTow/?utm_source=ig_web_copy_link

പ്രഭുദേവയാണ് രാധേ സംവിധാനം ചെയ്തിരിക്കുന്നത്. ജാക്കി ഷറോഫ്, ദിഷ പഠാനി, റൺദീപ് ഹൂഡ എന്നിവരാണ് പ്രധാന വേഷത്തിൽ എത്തുന്നത്. സൽമാൻ ഖാനും സഹോദരൻ സൊഹൈൽ ഖാനും ചേർന്ന് അതുൽ അഗ്നിഹോത്രിയുടെ പ്രൊഡക്ഷൻ ബാനറിലാണ് ചിത്രം നിർമിച്ചിരിക്കുന്നത്. ഔട്ട്ലോസ് എന്ന കൊറിയൻ ആക്ഷൻ ചിത്രത്തിന്റെ ഹിന്ദി റീമേക്കാണ് രാധേ. മാ ഡോങ് സൂക്ക്, യൂൺ കീ സാങ് എന്നിവരയായിരുന്നു പ്രധാന വേഷത്തിൽ അഭിനയിച്ചത്.

കഴിഞ്ഞ വർഷം ചിത്രത്തിന്റെ റിലീസ് തീരുമാനിച്ചിരുന്നത്. എന്നാൽ കോവിഡ‍ും പിന്നാലെ പ്രഖ്യാപിച്ച ലോക്ക്ഡൗണും കാരണം റിലീസ് നീണ്ടു പോകുകയായിരുന്നു. ദബാങ് 3 ആണ് സൽമാന്റെ ഏറ്റവും ഒടുവിൽ പുറത്തിറങ്ങിയ ചിത്രം
കിക്ക് 2, അന്തിം, കബി ഈദ് കബി ദീവാലി എന്നിവയാണ് സൽമാൻ ഖാന്റെ പുതിയ ചിത്രങ്ങൾ.