പ്രേഷകരുടെ എക്കാലത്തെയും പ്രിയപ്പെട്ട ചിത്രമാണ് ദിലീപിന്റെ സി.ഐ.ഡി. മൂസ. ഗംഭീര വിജയം നേടിയ കോമഡി ചിത്രം ഇന്നും പ്രേക്ഷക മനസ്സിൽ നിറഞ്ഞു നിൽക്കുന്നു. സിനിമയെ പോലെ തന്നെ ചിത്രത്തിലെ ഗാനങ്ങളും സൂപ്പർ ഹിറ്റായിരുന്നു. ഇപ്പോഴിതാ സിനിമയിലെ സൂപ്പർ ഹിറ്റായ ‘കാടിറങ്ങി ഓടിവരുമൊരു’ എന്ന ഗാനത്തിന് കവർ സോങ് ഒരുക്കിയിരിക്കുകയാണ് യുവഗായകനായ കെ.എസ്. ഹരിശങ്കർ. ഗാനത്തിന്റെ മുഖ്യ ആകർഷണം എന്തെന്നാൽ ക്ലൈമാക്സ് രംഗത്തിൽ നടൻ ദിലീപിന്റെ മാസ് എൻട്രി ആണ്.
മൂസയുടെ പുതിയ ഗെറ്റപ്പിലാണ് ദിലീപ് എത്തുന്നത്. ‘എന്റെ പാട്ടും പൊക്കി, എന്റെ പട്ടിയേയും പൊക്കി… വേർ ഈസ് അർജുൻ…’ എന്ന ഡയലോഗുമായി ജനപ്രിയ നായകൻ പക്ക മൂസയായി അർജുനെ അന്വേഷിച്ച് ഫ്ളാറ്റ് 12 ബിയിലേക്ക് കയറി പോകുന്നിടത്താണ് വീഡിയോ അവസാനിക്കുന്നത്.
നവീൻ ചെമ്പോടിയുടേതാണ് ഛായാഗ്രഹണം. ആലാപനത്തിനൊപ്പം ഹരിശങ്കർ സ്ക്രീൻപ്ലേയും ഒരുക്കിയിരിക്കുന്നു. ചിത്രത്തിൽ ഗിരീഷ് പുത്തഞ്ചേരിയുടെ വരികൾക്ക് സംഗീതം നൽകിയിരിക്കുന്നത് വിദ്യാസാഗർ ആണ്. ദേവാനന്ദ്, പ്രതാപ്, ടിമ്മി& ടിപ്പു എന്നിവർ ചേർന്നാണ് ഒറിജിനൽ പാടിയിരിക്കുന്നത്.
Post Your Comments