മലയാളത്തില്‍ ആദ്യമായി 50 കോടി രൂപ ഗ്രോസ് കളക്ഷന്‍ നേടിയ ചിത്രമാണ് ദൃശ്യം. ഇപ്പോൾ ഈ ചിത്രത്തിന്‍റെ രണ്ടാം ഭാഗത്തിനായി ആമസോണ്‍ പ്രൈം മുടക്കിയത് കോടികളാണ്. വരുന്ന റിപ്പോർട്ടുകൾ പ്രകാരം ചിത്രം 40 കോടിയ്ക്കാണ് ആമസോണിന് വിറ്റിയിരിക്കുന്നത്. ഒന്നാംഭാഗം മലയാളത്തിലെ ഏറ്റവും വലിയ സൂപ്പര്‍ഹിറ്റുകളിലൊന്നും മികച്ച ത്രില്ലറുമായിരുന്നു. അതിനാല്‍ രണ്ടാംഭാഗത്തിനായി ലോകമെമ്പാടുമുള്ള സിനിമാ പ്രേമികള്‍ കാത്തിരിക്കുകയാണ്.
വിവിധ ഭാഷകളില്‍ സൂപ്പര്‍ഹിറ്റായ ചിത്രത്തിന്‍റെ രണ്ടാംഭാഗത്തിന് വലിയ വാണിജ്യ മൂല്യമാണുള്ളത്. ഒ.ടി.ടി പ്ലാറ്റ്‌ഫോമില്‍ സബ്‌ടൈറ്റിലുകള്‍ ഉപയോഗിക്കുന്നതില്‍ ലോകത്തെ ഏത് ഭാഷയിലുള്ളവര്‍ക്കും ചിത്രം ആസ്വദിക്കാം. ഈ ഘടകങ്ങളാണ് ആമസോണിനെ ചിത്രം വാങ്ങാന്‍ പ്രേരിപ്പിച്ചത്.
Post Your Comments