“അനേകി”നായി ആയുഷ്മാൻ ഖുറാനയും അനുഭവ് സിൻഹയും വീണ്ടും ഒന്നിക്കുന്നു

ബോളിവുഡ് നടനും ഗായകനുമായ ആയുഷ്മാൻ ഖുറാന നായകനാകുന്ന പുതിയ ചിത്രത്തിൻറ്റെ വിശേഷമാണ് സമൂഹ മാധ്യമത്തിൽ ഇപ്പോൾ ചർച്ചയാകുന്നത് . “ആർട്ടിക്കിൾ 15” ന് ശേഷം അനുഭവ് സിൻഹയ്ക്കൊപ്പം ആയുഷ്മാൻ ഖുറാന വീണ്ടും ഒന്നിക്കുകയാണെന്ന റിപ്പോർട്ട് പുറത്തു വന്നതോടെയാണ് ചർച്ചകൾ സജീവമാകുന്നത്.

Read Also: സ്വാസിക വിവാഹിതയാകുന്നു ? വാർത്തയോട് പ്രതികരിച്ച് താരം

കഴിഞ്ഞ ദിവസം ട്വിറ്ററിലൂടെ പുറത്തു വിട്ട ചിത്രത്തിലെ ആയുഷ്മാൻറ്റെ ലുക്ക് സൈബറിടത്തിൽ ഏറെ ശ്രദ്ധ നേടിയിരുന്നു. “അനേക്” എന്ന് പേരിട്ടിരിക്കുന്ന ചിത്രത്തിൻറ്റെ ലൊക്കേഷനിൽ നിന്നുമുള്ള ചിത്രവും ഇതിനോടൊപ്പം ശ്രദ്ധിക്കപ്പെട്ടിരുന്നു.

Excited to be collaborating with Anubhav Sinha sir. Again. #ANEK.???
Here's presenting my look as Joshua produced by @anubhavsinha and #BhushanKumar @BenarasM @TSeries pic.twitter.com/PbhZc2hyxh

— Ayushmann Khurrana (@ayushmannk) February 2, 2021

Read Also: ”ജഗമേ തന്തിരം” ഒടിടി റിലീസിനോ ? പ്രതികരണവുമായി ധനുഷ്

വളരെ വേറിട്ട ഗെറ്റപ്പിലാണ് ചിത്രത്തിൽ ആയുശ്മാൻ ഖുറാന എത്തുന്നത്. പുരികത്തിൽ ചെറിയ വെട്ടോടു കൂടിയാണ് താരം ചിത്രത്തിൽ പ്രത്യക്ഷപ്പെടുന്നത്. കട്ട താടി വെച്ച ലുക്കിലാണ് താരമെത്തുന്നത്. അനുഭവ് സിൻഹ തന്നെയാണ് ചിത്രം നിർമ്മിക്കുന്നതും. ഒരു ജീപ്പിൽ വളരെ ഗൌരവക്കാരനായിരിക്കുന്ന ആയുഷ്മാൻറ്റെ ചിത്രമാണ് ആരാധകർ ഏറ്റെടുത്തിരിക്കുന്നത്. ലൊക്കേഷനിൽ ക്ലാപ്പ് ബോർഡുമായി അനുഭവ് സിൻഹയ്ക്കൊപ്പം നിൽക്കുന്ന ചിത്രവും തരംഗമായിട്ടുണ്ട്.

Read Also: ഒടിയൻറ്റെ കഥയുമായി “കരുവ്” ; പൂജ 10ന് പാലക്കാട്

വീണ്ടും എന്ന് കുറിച്ചു കൊണ്ടാണ് ആയുഷ്മാൻ ഖുറാന ചിത്രങ്ങൾ പങ്കുവെച്ചിരിക്കുന്നത്. ജോഷ്വ എന്ന കഥാപാത്രത്തെയാണ് ചിത്രത്തിൽ താരം അവതരിപ്പിക്കുന്നത്. ടി – സീരീസിൻറ്റെ നിർമ്മാണത്തിൽ ഒരുങ്ങുന്ന സിനിമയുടെ ചിത്രീകരണം നോർത്ത് ഈസ്റ്റിൽ പുരോഗമിക്കുന്നു.