പ്രശസ്ത നടന്‍ ടിനി ടോമിനെ ആരും മുഖ്യതിഥിയായി ക്ഷണിക്കരുതെന്നു കുറിപ്പ് സോഷ്യൽ മീഡിയയിൽ വൈറൽ. ജോളി എന്നൊരാളാണ് കുറിപ്പ് എഴുതിയത്. അതിന്റെ കാരണവും അദ്ദേഹം പോസ്റ്റിൽ പറയുന്നുണ്ട്.
കുറിപ്പിന്റെ പൂര്‍ണ്ണരൂപം:
‘പ്രശസ്ത നടന്‍ ടിനിടോമിനെ മുഖ്യാതിഥിയായി ക്ഷണിക്കരുത്! കാക്കനാടിലുള്ള ഭാവന്‍സ് ആദര്‍ശ വിദ്യാലയത്തില്‍ വിദ്യാര്‍ത്ഥിനിയായിരുന്ന എന്റെ മൂന്നാമത്തെ മകള്‍ രേഷ്മക്കു നടന്‍ ടിനിടോം ‘ ബെസ്റ്റ് സ്റ്റുഡന്റ് ‘ സമ്മാനം കൊടുക്കുന്നതാണ് ഫോട്ടോ! അന്നവള്‍ക്കു അദ്ദേഹം പറഞ്ഞു കൊടുത്ത ഏറ്റവും വലിയ ഉപദേശം നന്നായി പഠിക്കണം എന്നായിരുന്നത്രെ. ഉപദേശം അക്ഷരം പ്രതി അനുസരിച്ച എന്റെ മോള് ഇപ്പോള്‍ അയര്‍ലണ്ടിലെ ഡബ്ലിനില്‍ എംഫില്‍ ചെയ്യുകയാണ്! ഈ മനുഷ്യന്‍ കാരണം എന്തുമാത്രം അലച്ചിലും പണച്ചിലവുമുണ്ടെന്നറിയാമോ?
read also:താര സംഘടനയ്ക്ക് കൊച്ചിയില്‍ ആസ്ഥാന മന്ദിരം; ഉദ്‌ഘാടനത്തിനു മമ്മൂട്ടിയും മോഹന്‍ലാലും
എന്റെ പടങ്ങളില്‍ അദ്ദേഹം അഭിനയിച്ചിട്ടുണ്ടന്നത് വാസ്തവം തന്നെ , പക്ഷെ ടിനിടോമിനെ മുഖ്യാതിഥിയായി പ്രത്യേകിച്ച്‌ സ്‌കൂളുകളില്‍ ക്ഷണിക്കരുത് . അദ്ദേഹം വരും, ചിരിക്കും, ചിരിപ്പിക്കും, ചിന്തിപ്പിക്കും, ഉപദേശിക്കും. പിന്നെ പിള്ളാര് പഠിക്കും. മാതാപിതാക്കളായ നമ്മുക്ക് പണീം കിട്ടും. തീര്‍ച്ച.’
വളരെ രസകരമായ രീതിയിലുള്ള പോസ്റ്റ് ഇതിനോടകം ശ്രദ്ധ നേടിക്കഴിഞ്ഞു. നടന്‍ ടിനിടോം ഉള്‍പ്പെടെ നിരവധി ആളുകളാണ് ഈ പോസ്റ്റ് ഷെയര്‍ ചെയ്തിരിക്കുന്നത്.
Post Your Comments