ലോകമെമ്പാടും പ്രേക്ഷകശ്രദ്ധ പിടിച്ചു പറ്റിയ ഗാനമാണ് സണ്ണി ലിയോൺ വേഷമിട്ട രാഗിണി എംഎംഎസ് 2 എന്ന ചിത്രത്തിലെ ബേബി ഡോൾ. ഇപ്പഴും ആരാധകർക്ക് പ്രിയങ്കരമായ ഗാനം ആലപിച്ചിരിക്കുന്നത് കനിക കപൂറാണ്. പാട്ട് ഹിറ്റാ‌യതോടെ ബേബി ഡോൾ ഗായിക എന്ന പേരിലാണ് കനിക കപൂർ അറിയപ്പെടുന്നത്.
ഇപ്പോഴിതാ തന്റെ ഏറ്റവും പ്രയാസകരമായ നിമിഷത്തിലായാണ് ഈ ഗാനം തന്നെ തേടിയെത്തിയതെന്ന് പറയുകയാണ് കനിക. ഇ ടൈംസിന് നൽകിയ അഭിമുഖത്തിലാണ് കനിക ഇക്കാര്യം തുറന്നു പറയുന്നത്.
“ജീവിതത്തിൽ ഏറെ മനോവിഷമങ്ങളിൽക്കൂടി കടന്നു പോകുന്ന സമയത്താണ് ‘ബേബി ഡോൾ’ ഗാനം ആലപിക്കാനുള്ള അവസരം എന്നെത്തേടിയെത്തുന്നത്. വ്യക്തിജീവിതത്തിലെ ജയപരാജയങ്ങൾക്കു നടുവിൽ നിൽക്കുമ്പോഴാണ് ഈ ഗാനം പാടാനുള്ള അവസരം എന്നെ തേടി വരുന്നത്. പാട്ടിലെ ഒരു വരി ഇങ്ങനെയായിരുന്നു ഈ ലോകം പിച്ചളകൊണ്ടാണ് നിർമിച്ചിരിക്കുന്നത്, എന്നെ സ്വർണം കൊണ്ടും.. ആ വാക്കുകളുടെ അർഥം അറിഞ്ഞതും ഞാൻ പ്രതികാരചിന്തയോടെയാണ് അത് പാടിത്തീർത്തത്. സങ്കടകരമായ കാര്യമാണത്. പക്ഷേ എന്റെ മുഴുവൻ ഹൃദയവും നൽകിയാണ് ഞാൻ അത് പാടിയത്. ആളുകൾ അതേറ്റെടുക്കുകയും ചെയ്തു”. കനിക പറഞ്ഞു.
Post Your Comments