കുട്ടിക്കാലത്തെ ലോഹ്രി ആഘോഷത്തിന്റെ ചിത്രങ്ങൾ പങ്കുവെച്ച് ആരാധകരുടെ പ്രിയങ്കരിയായ നടി കങ്കണ റണാവത്ത്. പഞ്ചാബി ശൈത്യകാല നാടോടി ഉത്സവമായ ലോഹ്രി ദിനാഘോഷത്തോടനുബന്ധിച്ച് ആരാധകർക്ക് ആശംസ അറിയിച്ചുകൊണ്ടാണ് താരം ചിത്രം പങ്കുവെച്ചിരിക്കുന്നത്.
പർപ്പിൾ നിറത്തിലുള്ള സൽവാർ സ്വീട്ടും മെടഞ്ഞിട്ട മുടിയുമായാണ് കുട്ടി കങ്കണയെ ചിത്രത്തിൽ കാണാൻ കഴിയുന്നത്. കൂട്ടുകുടുംബത്തിലെ കുട്ടികളാണ് അണുകുടുംബത്തിലെ കുട്ടികളേക്കാൾ ഏറെ രസകരമായിരുന്നതെന്ന് പോസ്റ്റിൽ കങ്കണ പറയുന്നു. കുട്ടിക്കാലത്ത് ഹിമാചലിൽ ആയിരുന്നപ്പോൾ ലോഹ്രി ആഘേഷത്തിന്റെ ഭാഗമായി ഗാനമാലപിക്കുന്ന പാരമ്പര്യം ഉണ്ടായിരുന്നുവെന്നും കുട്ടികൾ ഗ്രൂപ്പുകളായി തിരിഞ്ഞ് ലോഹ്രി പാടുകയും പണവും മധുരപലഹാരങ്ങളും ശേഖരിക്കുകയും ചെയ്തിരുന്നുവെന്നും കങ്കണ ട്വിറ്ററിൽ കുറിച്ചു.
Post Your Comments