ജനശ്രദ്ധ ഏറെ പിടിച്ചുപറ്റിയ ടെലിവിഷൻ ഷോ ആണ് ബിഗ് ബോസ്. വിവിധ ഭാഷകളിലായി അവതരിപ്പിക്കുന്ന ഷോയുടെ മലയാളം പരിപാടിക്ക് നേതൃത്വം നൽകുന്നത് നടൻ മോഹൻലാൽ ആണ്. ഇപ്പോഴിതാ ഒരു ഇടവേളയ്ക്ക് ശേഷം വീണ്ടും ബിഗ് ബോസ് സീസണ്‍ 3 പ്രേഷകരിലേക്കെത്തുന്നുവെന്ന വാർത്തയാണ് പുറത്തു വരുന്നത്. മോഹൻലാൽ തന്നെയാണ് ബിഗ് ബോസ് സീസണ്‍ 3 യുടെ പ്രഖ്യാപനം നടത്തിയിരിക്കുന്നത്.
കൊവിഡ് പശ്ചാത്തലത്തില്‍ 75-ാം ദിവസം അവസാനിപ്പിക്കേണ്ടിവന്ന സീസണ്‍-2നു ശേഷമാണ് ഇപ്പോള്‍ സീസണ്‍ 3 വരുന്നത്.
സീസണ്‍ 3ലേക്കുള്ള മത്സരാര്‍ഥികളുടെ തെരഞ്ഞെടുപ്പ് അന്തിമ ഘട്ടത്തിലാണ്. കഴിഞ്ഞ സീസണിലേതുപോലെ ചെന്നൈ ആവും സീസണ്‍ 3ന്‍റെയും വേദി. കമല്‍ ഹാസന്‍ അവതാരകനാവുന്ന തമിഴ് ബിഗ് ബോസ് അന്തിമഘട്ടത്തിലേക്ക് കടന്നിരിക്കുകയാണ്. ഇത് അവസാനിച്ചതിനു ശേഷം മലയാളം സീസണ്‍ 3യുടെ സെറ്റ് നിര്‍മ്മാണം അടക്കം ആരംഭിക്കും. ഫെബ്രുവരി പകുതിയോടെ ഷോ പ്രേക്ഷകരിലേക്ക് എത്തും.
Post Your Comments