ആരാധകർ ഏറെ ആകാംഷയോടെ കാത്തിരിക്കുന്ന മമ്മൂട്ടി ചിത്രം ‘വൺ’ ഉടൻ റിലീസ് ചെയ്യും. ചിത്രത്തിന്റെ പുതിയ പോസ്റ്റർ പങ്കുവെച്ചുകൊണ്ട് വൈകാതെ റിലീസ് തീയതി അറിയിക്കുമെന്ന് പ്രഖ്യാപിച്ചിരിക്കുകയാണ് മമ്മൂട്ടി. കൊവിഡിന് മുന്നേ സിനിമയുടെ ചിത്രീകരണം ഭൂരിഭാഗവും പൂര്‍ത്തിയാക്കിയിരുന്നു. ക്രൗഡ് സീക്വന്‍സും ടെയില്‍ എന്‍ഡും കൂടിയാണ് ഇനി അവശേഷിക്കുന്നത്. സന്തോഷ് വിശ്വനാഥിന്റെ സംവിധാനത്തിൽ ബോബി- സഞ്‍ജയ് ആണ് തിരക്കഥ.
ജോഫിന്‍ ടി ചാക്കോ സംവിധാനം ചെയ്യുന്ന ‘ദ പ്രീസ്റ്റ്’ ആണ് മമ്മൂട്ടിയുടെ റിലീസ് ചെയ്യാനിരിക്കുന്ന മറ്റൊരു ചിത്രം. അമല്‍ നീരദ്, രത്തീന ഷര്‍ഷാദ്, രഞ്ജിത്ത്, കെ.മധു പ്രൊജക്ടുകള്‍ ആണ് അണിയറയിൽ.
Post Your Comments