പ്രേക്ഷകർ ഏറെ ആകാംഷയോടെ കാത്തിരിക്കുന്ന ചിത്രമാണ് വിജയ്‌യുടെ ‘മാസ്റ്റർ’. കഴിഞ്ഞ ദിവസമാണ് സിനിമയുടെ റിലീസ് തീയതി പ്രഖ്യാപിച്ചത്. ഇപ്പോഴിതാ ചിത്രത്തിലെ വിജയ്‌യുടെ പ്രത്യേക സ്റ്റൈലിലുള്ള ലുക്ക് ട്വിറ്റര്‍ ഇമോജിയാക്കി എന്ന വാർത്തയാണ് പുറത്തുവരുന്നത്. വിജയ് തന്നെ തന്റെ സോഷ്യൽ മീഡിയ അക്കൗണ്ട് വഴി ഷെയർ ചെയ്തതോടെ ആരാധകരും ഏറ്റെടുത്ത് കഴിഞ്ഞു. നിമിഷനേരംകൊണ്ടാണ് വിജയുടെ പോസ്റ്റ് വൈറലായി മാറിയത്.
മാസ്റ്റര്‍ഫിലിം എന്ന ഹാഷ്ടാഗോടെയാണ് വിജയ് ട്വീറ്റ് ചെയ്തത്. ട്വിറ്ററിന്റെ ഇന്ത്യയിലെ ഔദ്യോഗിക പേജ് അത് റിട്വീറ്റ് ചെയ്തു. വിജയ് ആരാധകര്‍ക്കും മാസ്റ്ററിനും പുതുവത്സര ആശംസകളും ട്വീറ്റില്‍ പങ്കുവെച്ചു.
പൊങ്കലിനോട് അനുബന്ധിച്ച് ജനുവരി 13ന് മാസ്റ്റര്‍ റിലീസ് ചെയ്യും. തമിഴിന് പുറമേ തെലുങ്കിലും ഹിന്ദിയിലും മൊഴിമാറ്റും. ഹിന്ദി റിലീസ് 14നാണ്. സംവിധായകന്‍ ലോകേഷ് കനകരാജ് ട്വിറ്ററിലൂടെയാണ് ഇക്കാര്യം അറിയിച്ചത്.
വിജയിയും വിജയ് സേതുപതിയും ആദ്യമായി ഒന്നിക്കുന്ന ചിത്രമാണ് മാസ്റ്റര്‍.
Post Your Comments