ആട് തോമ സ്റ്റൈലിൽ ടോവിനോ ; കളയിലെ ഫൈറ്റ് സീൻ പങ്കുവെച്ച് താരം

ടൊവിനോ തോമസ് നായകനായെത്തുന്ന പുതിയ ചിത്രം കളയുടെ ഫൈറ്റ് സീൻ രംഗം ശ്രദ്ധേയമാവുന്നു. ടൊവിനോ തന്നെയാണ് ഇതിന്റെ ചിത്രം പുറത്തുവിട്ടത്. സ്ഫടികം സിനിമയിലെ മോഹൻലാൽ കഥാപാത്രം ആട് തോമയെ അനുസ്മരിപ്പിക്കും വിധം മുണ്ടുരിഞ്ഞ് ഫൈറ്റ് ചെയ്യുന്ന ഒരു രംഗമാണ് ചിത്രത്തിൽ കാണാൻ കഴിയുന്നത്.

ഈ സിനിമയുടെ ഷൂട്ടിങ്ങിനിടെയിലാണ് ടൊവിനോ പരിക്ക് പറ്റി ഐ.സി.യു.വിൽ ചികിത്സയിൽ കഴിഞ്ഞത്. രോഹിത് വി.എസ്. ആണ് സിനിമ സംവിധാനം ചെയ്യുന്നത്. ടൊവിനോയും ജൂവിസ് പ്രൊഡക്ഷനും ചേർന്നാണ് നിർമ്മാണം. ടൊവിനോയെ കൂടാതെ ലാൽ, ദിവ്യ പിള്ള, മൂർ എന്നിവരും മുഖ്യ കഥാപാത്രങ്ങൾ ചെയ്യുന്നു. ‘