മലയാള സിനിമാലോകത്തെ ഒന്നടങ്കം കണ്ണീരിലാഴ്ത്തിയതായിരുന്നു നടൻ അനില്‍ നെടുമങ്ങാടിന്‍റെ വിയോഗം. നിരവധി സിനിമാ താരങ്ങളാണ് അനിലിന്റെ വിയോഗത്തിൽ ദുഃഖം രേഖപ്പെടുത്തിയത്. നിരവധിപ്പേർ അനിലുമൊത്തുള്ള ഓർമ്മകളും പങ്കുവെച്ചിരുന്നു. ഇപ്പോഴിതാ നടന്‍ ജോജു ജോർജും തന്റെ സുഹൃത്തിന്റെ ഓർമ്മകളുമായി എത്തിയിരിക്കുകയാണ്.
ജോജു നായകനായെത്തുന്ന ‘പീസ്’ എന്ന സിനിമയുടെ ഷൂട്ടിംഗിന് പങ്കെടുത്തുകൊണ്ടിരിക്കുകയായിരുന്നു അനില്‍ . സിനിമയുടെ ലൊക്കേഷനില്‍ നിന്ന് അനിലുമൊത്തുള്ള അവസാന ചിത്രങ്ങള്‍ പങ്കുവെച്ചിരിക്കുകയാണ് ജോജു. എന്നാൽ അനിലിനെക്കുറിച്ച് ഒരു വാക്ക് പോലും കുറിക്കാതെയാണ് ചിത്രം പങ്കുവെച്ചിരിക്കുന്നത്.
ഒരു റബ്ബര്‍ തോട്ടത്തിനു നടുവിലെ ലൊക്കേഷന്‍ എന്ന് തോന്നിപ്പിക്കുന്ന സ്ഥലത്തുനിന്നുമുള്ള മൂന്ന് ചിത്രങ്ങളുണ്ട് പോസ്റ്റില്‍. മൂന്നിലും ഇരുവരും തോളോട് തോള്‍ ചേര്‍ന്നു നില്‍ക്കുന്നു. നാലാമത് മറ്റൊരു ചിത്രം കൂടി ജോജു പോസ്റ്റിനൊപ്പം ചേര്‍ത്തിട്ടുണ്ട്. നെടുമങ്ങാട്ടെ വീട്ടുവളപ്പില്‍ അനിലിന്റെ സംസ്‍ക്കാര ചടങ്ങുകള്‍ പുരോഗമിക്കുന്നതിനിടെയുള്ള ചിത്രമാണ് അത്.
Post Your Comments