2020ല്‍ ലോകത്തില്‍ ഏറ്റവും കൂടുതല്‍ പ്രതിഫലം വാങ്ങിയ സെലിബ്രിറ്റികളുടെ പട്ടികയില്‍ ഇടംനേടിയ ഏക ഇന്ത്യന്‍ താരം ബോളിവുഡ് നടന്‍ അക്ഷയ് കുമാര്‍ (52) ആണ്. ഫോബ്‌സ് മാസിക പുറത്തുവിട്ട 2020 ലെ ലോകത്തിലെ ഏറ്റവും ഉയര്‍ന്ന പ്രതിഫലം വാങ്ങുന്ന താരങ്ങളുടെ പട്ടികയില്‍ 52-ാം സ്ഥാനത്താണ് നടന്‍.
48.5 മില്യണ്‍ ഡോളര്‍ ആണ് താരത്തിന്റെ പ്രതിഫലം. അതായത് 357 കോടി രൂപ. അക്ഷയ് കുമാറെ കൂടാതെ ഹോളിവുഡ് താരങ്ങളായ വില്‍ സ്മിത്ത്, ജാക്കി ചാന്‍, ആഞ്ജലീന ജോളി, വിന്‍ ഡീസല്‍ എന്നിവര്‍ പട്ടികയില്‍ ഇടംനേടിയിട്ടുണ്ട്. പോപ്പ് ഗായകരായ ജെന്നിഫര്‍ ലോപ്പസ്, എഡ് ഷെറീന്‍, റിഹാന, ലേഡി ഗാഗ, ടെയ്ലര്‍ സ്വിഫ്റ്റ്, ബാക്ക്‌സ്ട്രീറ്റ് ബോയ്‌സ്, ഷാന്‍ മെന്‍ഡിസ് എന്നിവരും പട്ടികയില്‍ ഇടം നേടിയപ്പോൾ മീഡിയയില്‍നിന്ന് ടൈലര്‍ പെറി, എല്ലെന്‍ ഡിജെനെറസ് എന്നിവരും സെലിബ്രിറ്റി ജഡ്ജി സൈമണ്‍ കോവലും ഉൾപ്പെട്ടിട്ടുണ്ട്.
Post Your Comments