സിനിമയിൽ അഭിനയിക്കാതെ തന്നെ താരങ്ങളാകുന്നവരാണ് സിനിമാതാരങ്ങളുടെ മക്കൾ . മലയാളികളുടെ സൂപ്പർസ്റ്റാർ മോഹൻലാലിൻറെ മകൻ പ്രണവ് മോഹൻലാൽ അഭിനയരംഗത്തേക്ക് കടന്നു വരുന്നതിനു മുൻപ് തന്നെ ആരാധകർ ഉള്ള താരമായിരുന്നു. അഭിനയിക്കുന്നില്ലെങ്കിലും മകൾ വിസ്മയ്ക്കും ആരാധകർ ഒട്ടും കുറവില്ല. വിസ്മയ മോഹൻലാൽ പങ്കുവെക്കുന്ന എല്ലാ ചിത്രങ്ങളും സമൂഹമാധ്യമങ്ങളിൽ ശ്രദ്ധേയമാകാറുമുണ്ട്.
ഇപ്പോഴിതാ തായ്‍ലൻഡിൽ തന്‍റെ വളര്‍ത്തുനായയോടൊപ്പമുള്ള ചിത്രമാണ് വിസ്മയ പങ്കുവെച്ചിരിക്കുന്നത്. ഏറെ നാളായി തായ്‌ലാന്‍ഡിലാണ് വിസ്മയ. അവിടുത്തെ ഫിറ്റ്‍നെസ് ക്യാംപില്‍ നിന്നുള്ള വീഡിയോകളും ചിത്രങ്ങലുമൊക്കെ ഇന്‍സ്റ്റഗ്രാം പേജിലൂടെ ഇടയ്ക്കിടെ വിസ്മയ പങ്കുവയ്ക്കാറുണ്ട്.
തായ്‍ലാൻഡിൽ ആയോധനകല അഭ്യസിച്ചു വരികയാണ് വിസ്മയ. തായ് ലാൻഡിലെ ശ്രദ്ധേയ ക്ലോത്തിങ് ബ്രാൻഡായ സറാമ ബ്രാൻഡ് ടീ ഷെർട്ടണിഞ്ഞുള്ള ഏതാനും ചിത്രങ്ങളും കഴിഞ്ഞ ദിവസം പങ്കുവെച്ചിരുന്നു.
Post Your Comments