നടി ചിത്രയുടെ മുഖത്ത് പാടുകൾ; മരണത്തിന്റെ യഥാർഥ കാരണം തേടി പോലീസ്

അവതാരകയും നടിയുമായി തിളങ്ങിയ ചിത്ര കാമരാജിന്റെ മരണത്തിൽ ദുരൂഹത. നസ്രത്ത്പേട്ടിലെ ഹോട്ടലിൽ തൂങ്ങി മരിച്ച നിലയിലാണ് ചിത്രയുടെ മൃതദേഹം കണ്ടെത്തിയത്. ചിത്രയുടെ മുഖത്ത് പാടുകളുണ്ടെന്നു പൊലീസ്. ഇത് ആത്മഹത്യയാണോ കൊലപാതകമാണോയെന്ന് അന്വേഷണം നടക്കുന്നു

കിൽപോക് മെഡിക്കൽ കോളജിൽ നിന്നും പോസ്റ്റ്മോർട്ടം റിപ്പോർട്ടു ലഭിച്ചാലെ മരണത്തിന്റെ യഥാർഥ കാരണം വ്യക്തമാകു.

ബിസിനസുകാരനായ ഹേംരാജുമായി രണ്ടു മാസം മുൻപ് ചിത്രയുടെ വിവാഹ നിശ്ചയം കഴിഞ്ഞിരുന്നു. ജനുവരിയിലാണു വിവാഹം. സീരിയൽ ഷൂട്ടിങ് കഴിഞ്ഞു ചൊവ്വ രാത്രി ഒരു മണിയോടെയാണു ഹേംരാജുവുമായി ഹോട്ടലിൽ മുറിയെടുത്തത്. രാവിലെ അഞ്ചു മണിയോടെയാണു താരത്തെ മരിച്ച നിലയിൽ കണ്ടെത്തിയത്.