റോക്കി ഭായിയുടെ താടിക്ക് കട്ട് ; ക്ലീൻ ഷേവ് ചെയ്ത് നടൻ യഷ്

ഒരു ഒറ്റ ചിത്രത്തിലൂടെ പ്രേക്ഷക മനസ് കീഴടക്കിയ നടനാണ് റോക്കി ഭായി എന്ന യഷ്. കെജിഎഫ് 2 വിലെ റോക്കി ഭായുടെ താടിയും ആരാധകർക്ക് ഏറെ പ്രിയങ്കരമായിരുന്നു. ഇപ്പോഴിതാ താരം തന്റെ താടി വടിക്കുന്ന വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാവുന്നത്. കെജിഎഫ് 2 സിനിമയുടെ ചിത്രീകരണം പൂർത്തിയായതോടെയാണ്  തന്റെ നീണ്ട താടിവടിക്കാൻ യഷ് തീരുമാനിച്ചത്. ഭർത്താവ് താടി വടിക്കുന്ന സമയത്ത് രാധികയും ഒപ്പമുണ്ടായിരുന്നു.

അതേസമയം കെജിഎഫ് 2വിലെ യഷിന്റെ ഭാഗങ്ങൾ പൂർത്തിയായി കഴിഞ്ഞു. കോവിഡ് പശ്ചാത്തലത്തിൽ ഷൂട്ട് നിർത്തിയതിനു ശേഷം ഓഗസ്റ്റ് 26നാണ് സിനിമയുടെ ചിത്രീകരണം പുനരാരംഭിച്ചത്. 90 ശതമാനം ചിത്രീകരണവും കോവിഡ് എത്തുന്നതിനു മുൻപേ സംവിധായകൻ പ്രശാന്ത് നീൽ പൂർത്തിയാക്കിയിരുന്നു.