നായികയേക്കാൾ നല്ലതാണല്ലോ അഭിമുഖം നടത്തുന്ന പെൺകുട്ടി ; ലുഡോയിൽ പേളിയെ തിരഞ്ഞെടുത്ത കാരണം വെളിപ്പെടുത്തി അനുരാഗ് ബസു

നാലുപേരുടെ ജീവിതം പറയുന്ന ആന്തോളജി വിഭാഗത്തിൽപ്പെട്ട ചിത്രമാണ് അടുത്തിടയിൽ ഇറങ്ങിയ അനുരാഗ് ബസു സംവിധാനം ചെയ്ത ലൂഡോ. നവംബർ 12ന് ആയിരുന്നു ഒടിടി റിലീസായി എത്തിയത്. മികച്ച അഭിപ്രായമായിരുന്നു ചിത്രത്തിന് ലഭിച്ചത്. മലയാളി പ്രേഷകരുടെ പ്രിയങ്കരിയായ പേളി മാണിയും ചിത്രത്തിൽ പ്രധാന വേഷത്തിലെത്തിയിരുന്നു. അനുരാഗ് ബസു ചിത്രത്തിൽ എത്തിപ്പെട്ടതെന്ന് പേളി പല അഭിമുഖങ്ങളിലും തുറന്ന് പറഞ്ഞിരുന്നു. എന്നാൽ ഇപ്പോൾ ചിത്രത്തിന്റെ സംവിധായകൻ അനുരാഗ് ബസു തന്നെ പേളിയെ കണ്ടെത്തിയ കാരണം വെളിപ്പെടുത്തുകയാണ്. തന്റെ ഫേസ്ബുക്ക് വീഡിയോയിലൂടെയാണ് പേളിയെ കണ്ടെത്തിയ രസകരമായ കഥ സംവിധായകൻ പങ്കുവെച്ചിരിക്കുന്നത്.

ചിത്രത്തിൽ ഷീജ തോമസിനെ അവതരിപ്പിക്കാനായി കുറച്ച് നായികമാരെ ഷോർട്ട് ലിസ്റ്റ് ചെയ്തിരുന്നു. തിരഞ്ഞെടുപ്പിന്റ ഭാഗമായി ഒരു നായികയുടെ ഒരു ലൈവ് ഇന്റർവ്യൂ കാണാൻ തീരുമാനിച്ചു. ആ ഇന്റർവ്യൂ എടുത്തത് പേളി മാണിയായിരുന്നു. നായികയേക്കാൾ നല്ലതാണല്ലോ അഭിമുഖം നടത്തുന്ന പെൺകുട്ടി, ആ കുട്ടിയെ വിളിക്കൂ എന്ന് തന്റെ അസിസ്റ്റന്റിനോട് പറഞ്ഞതായാണ് അനുരാഗ് പറഞ്ഞു. സംവിധായകന്റ ഈ വീഡിയോ തന്റെ പേളി തന്റെ ഫേസ്ബുക്ക് പേജിലും പങ്കുവെച്ചിട്ടുണ്ട്.

അഭിഷേക് ബച്ചൻ, ആദിത്യ റോയ് കപൂർ, രാജ് കുമാർ റാവൂ, പങ്കജ് ത്രിപാഠി, ശരണ്യ മൽഹോത്ര,ഫാത്തിമ സന, റോഹിത് സുരേഷ് തുടങ്ങിയ വൻ നിര കാഴ്ചവെച്ച ചിത്രത്തിൽ മലയാളി നെഴ്സായ ഷീജ തോമസിനെയാണ് പേളി മാണി അവതരിപ്പിച്ചത്.

ബിഗ് ബോസ് റിയാലിറ്റി ഷോയിൽ മത്സരിക്കുമ്പോഴാണ് പേളിയ്ക്ക് സിനിമയിലേയ്ക്കുള്ള വിളി വന്നത്. ഷോയിൽ നിന്ന് പുറത്തിറങ്ങിയതിന് ശേഷം നടി നേരെ സംവിധായകനെ കാണാൻ പോകുകയായിരുന്നുവെന്ന് നേരത്തെ പേളി പറഞ്ഞിരുന്നു.