നിന്റെ അമ്മയല്ല, നിനക്കുള്ള പാലുമല്ല ; വീഗൻ ഡയറ്റ് പ്രോത്സാഹിപ്പിക്കുന്ന സന്ദേശവുമായി എമി ജാക്സൺ

ഐ എന്ന ചിത്രത്തിലൂടെ ആരാധകരുടെ പ്രിയങ്കരിയായി മാറിയ നടിയാണ് എമി ജാക്സൺ. താരത്തിന്റെ പ്രണയവും ഗർഫകാല ചിത്രങ്ങളും, അമ്മയായ വാർത്തകളും സമൂഹമാധ്യമങ്ങളിൽ ശ്രദ്ധേയമായിരുന്നു. ഇപ്പോഴിതാ വീഗൻ ഡയറ്റ് പ്രോത്സാഹിപ്പിക്കുന്ന തരത്തിലുള്ള ചിത്രം പങ്കുവെച്ചിരിക്കുകയാണ് എമി. നിന്റെ അമ്മയല്ല, നിനക്കുള്ള പാലുമല്ല. ഈ സന്ദേശമടങ്ങുന്ന ചിത്രം ഇൻസ്റ്റഗ്രാമിലൂടെയാണ് പങ്കുവെച്ചിരിക്കുന്നത്.

ഒരു തെരുവിൽ സ്ഥാപിച്ചിരിക്കുന്ന പശുവിന്റെ ചിത്രമാണ് എമി പകർത്തി ഇൻസ്റ്റഗ്രാം സ്റ്റോറിയിൽ ഇട്ടത്. വീഗൻ ഡയറ്റ് പ്രോത്സാഹിപ്പിക്കുന്ന സന്ദേശമാണിത്. എന്തെന്നാൽ പാലും പാലുൽപ്പന്നങ്ങളും വരെ അടങ്ങുന്നതൊന്നും ഈ ഡയറ്റിന്റെ ഭാഗമായവർ കഴിക്കാറില്ല. പശുവിന്റെ പാൽ അതിന്റെ കുഞ്ഞുങ്ങൾക്കുള്ളതാണെന്ന ഉള്ളടക്കമാണ് ഇതിൽ പറയുന്നത്. നിരവധി പേരാണ് ഇതിനോടകം ചിത്രം ഏറ്റെടുത്തിരിക്കുന്നത്.