ഈ ലോക്ക്ഡൗൺ സമയത്ത് അതിഥി തൊഴിലാളികൾക്ക് സ്വന്തം നാട്ടിലെത്താൻ സഹായവുമായെത്തിയ ബോളിവുഡ് നടൻ സോനു സൂദിന് ആദരവുമായി കൊൽക്കത്തയിലെ ദുർഗാപന്തൽ ഉയർന്നു.
കൊൽക്കത്തയിലെ കെഷ്തോപൂർ പ്രഫുല്ല കാനൻ ദുർഗാ പൂജ കമ്മിറ്റിയുടെ നേതൃത്വത്തിലാണ് ദുർഗാ പൂജയ്ക്കുള്ള പന്തലിൽ സോനു സൂദിന്റെ പ്രതിമ സ്ഥാപിച്ചത്.
ഇവിടെ അതിഥി തൊഴിലാളി കൊണ്ടു പോകുന്നതിനുള്ള ഒരു ബസിന്റെ പശ്ചാത്തലത്തിലാണ് സോനു സൂദിന്റെ പ്രതിമ സ്ഥാപിച്ചിരിക്കുന്നത്. ലോക്ക്ഡൗൺ സമയത്ത് കുടുങ്ങിപ്പോയ രാജ്യത്തിന്റെ വിവിധ ഭാഗങ്ങളിലുള്ള ആയിരക്കണക്കിന് തൊഴിലാളികളെ ബസ്, ട്രെയിൻ, വിമാന മാർഗങ്ങളിൽ സോനു നാട്ടിലെത്തിച്ചത് വൻ വാർത്തയായി മാറിയിരുന്നു. കൂടാതെ അതിഥി തൊഴിലാളികളുടെ പാലായനം പശ്ചാത്തലമാക്കി മറ്റ് നിരവധി പ്രതിമകളും ദുർഗാപൂജ പന്തലിൽ തയ്യാറാക്കിയിട്ടുണ്ട്.
Post Your Comments