പഴയകാല ചിത്രങ്ങള്‍ പങ്കുവച്ചു ഓര്‍മ്മകള്‍ പുതുക്കുകയാണ് നടി പൂര്‍ണിമ ഇന്ദ്രജിത്ത്. 25 വര്‍ഷങ്ങള്‍ക്കു മുന്‍പ് മലയാള മനോരമ പത്രത്തില്‍ വന്ന സ്വന്തം ചിത്രമാണ് ഇത്തവണ പൂര്‍ണിമ ആരാധകരുമായി പങ്കിട്ടത്.
‘ബാലജനസഖ്യം! 25 വര്‍ഷങ്ങള്‍ക്കു മുന്‍പ്’ എന്ന അടിക്കുറിപ്പോടെ താരം പങ്കുവച്ച ചിത്രം സമൂഹമാധ്യമങ്ങളില്‍ ചര്‍ച്ചയായി. പാമ്പാക്കുടയില്‍ നടന്ന ബാലജനസഖ്യത്തില്‍ എറണാകുളം യൂണിയനെ പ്രതിനിധീകരിച്ചായിരുന്നു പൂര്‍ണിമ അന്ന് ക്യാംപിലെത്തിയത്. ആ കാലഘട്ടത്തോട് ഏറെ കടപ്പെട്ടിരിക്കുന്നു എന്നും താരം സൂചിപ്പിക്കുന്നു.
ഇത്ര വര്‍ഷങ്ങള്‍ക്കു ശേഷവും പൂര്‍ണിമയുടെ പുഞ്ചിരിയുടെ തിളക്കത്തിന് ഒരു മാറ്റവുമില്ലെന്നാണ് ആരാധകരുടെ കമന്റ്. നിഷ്കളങ്കമായ ആ പുഞ്ചിരി ഇനിയും മായാതെ നില്‍ക്കട്ടെയെന്നും ആരാധകര്‍ കുറിച്ചു.
Post Your Comments