അനവധി സിനിമകളിൽ വേഷമിട്ട ശ്രദ്ധേയയായ താരമാണ് മഞ്ജുപിള്ള. സിനിമയ്ക്ക് പുറമേ അനേകം സീരിയലുകളിലും ടെലിവിഷൻ ഷോകളിലും താരം വേഷമിട്ടു.
നിലവിൽ തട്ടിമുട്ടി എന്ന പരമ്പരയിലെ മോഹനവല്ലിയെന്ന കഥാപാത്രമായാണ് താരം ഏറെ ശ്രദ്ധ നേടുന്നത് . സീരിയൽ സിനിമ വിശേഷങ്ങൾക്ക് ഒപ്പം തന്നെ താരം തന്റെ വീട്ടുവിശേഷങ്ങളും സോഷ്യൽ മീഡിയയിലൂടെ ആരാധകർക്കായി കൃത്യമായി പങ്കുവയ്ക്കാറുണ്ട് .
ഇത്തരത്തിൽ ആടിനെ കറക്കുന്ന വീഡിയോ അടുത്തിടെ താരം പങ്കുവച്ചത് ഹിറ്റായി മാറിയിരുന്നു . വീടിനോട് ചേർന്ന് പുതിയൊരു കൃഷി ആരംഭിച്ചതായി താരം ആരാധകരെ അറിയിച്ചിരുന്നു. ഇപ്പോൾ വീട്ടിലെത്തിയ പുതിയ അതിഥികളെകുറിച്ചാണ് നടി പറയുന്നത്.
ഫാമിലേക്ക് പോത്തുകളുമായി രണ്ടാമത്തെ ലോഡെത്തി എന്നാണ് മഞ്ജു ഇൻസ്റ്റഗ്രാമിൽ ചിത്രങ്ങൾ സഹിതം പങ്കുവച്ചിരിക്കുന്നത് . ഇനിമുതൽ വെറും മഞ്ജുവല്ല ബെല്ലാരി മഞ്ജു എന്നറിയപ്പെടും എന്നാണ് ആരാധകർ കമൻറ് ചെയ്യുന്നത്.
Post Your Comments