അടുത്തിടെ കുറുപ്പ് സിനിമയുടെ സ്‌നീക്ക് പീക്ക് വീഡിയോയ്ക്ക് നടി അഹാന കുറിച്ച കമന്റ് വിവാദമായിരുന്നു. ”നല്ല വീഡിയോ എന്നാല്‍ മോശം തമ്പ് നെയില്‍ – നിങ്ങള്‍ എന്നു പഠിക്കും” എന്നായിരുന്നു അഹാനയുടെ കമന്റ്. പിന്നാലെ ”അയിന് നീയേതാ” എന്ന മറുപടിയും വന്നു. ഇത് ട്രോളുകളായും പ്രചരിക്കുകയാണ്.
പക്ഷേ , കുറുപ്പ് ടീം അല്ല അഹാനയ്ക്ക് മറുപടി നല്‍കിയത് എന്ന് വ്യക്തമാക്കിയിരിക്കുകയാണ് അണിയറ പ്രവര്‍ത്തകര്‍. കുറുപ്പിന്റെ ഛായാഗ്രഹകനായ നിമിഷ് രവി പങ്കുവച്ച വീഡിയോയ്ക്ക് താഴെയാണ് അഹാന കമന്റ് ചെയ്തത്. കുറുപ്പ് മൂവി ഒഫീഷ്യല്‍ എന്ന അക്കൗണ്ട് ആണ് അഹാനയക്ക് മറുപടി നല്‍കിയത്.
ചിത്രത്തിന്റെ തങ്ങളുടെ ഔദ്യോഗിക ഇന്‍സ്റ്റഗ്രാം പേജ് കുറുപ്പ് മൂവി എന്നാണ്. സിനിമയുടെ പേരിലുള്ള മറ്റ് അക്കൗണ്ടുകളും ഒരു തരത്തിലും തങ്ങളുമായി ബന്ധപ്പെട്ടതല്ല എന്ന് അണിയറപ്രവര്‍ത്തകര്‍ ഔദ്യോഗിക ഫെയ്‌സ്ബുക്ക് പേജിലൂടെ വ്യക്തമാക്കി കഴിയ്ഞ്ഞു.
Post Your Comments