വൻ ഹിറ്റായി മാറിയ ‘ദില്‍ബര്‍’ എന്ന ഗാനത്തിലൂടെ ശ്രദ്ധേയായ താരമാണ് നോറ ഫത്തേഹി. ഹിന്ദി, തെലുങ്ക്, മലയാളം ചിത്രങ്ങളില്‍ വേഷമിട്ട നോറ വിവാഹിതയാകുന്നു എന്ന കാര്യമാണ് സോഷ്യല്‍ മീഡിയയില്‍ പങ്കുവെച്ചിരിക്കുന്നത്. ഇന്‍സ്റ്റ്ഗ്രാം സ്റ്റോറിയായാണ് ഈ രസകരമായ കാര്യം നോറ പങ്കുവച്ചിരിക്കുന്നത്.
അതിനിടെ, തന്നോട് വിവാഭ്യര്‍ത്ഥന നടത്തുന്ന ഒരു കുഞ്ഞ് ആരാധകന്‍. ”അതെ ഗയ്‌സ്, എന്റെ ഭര്‍ത്താവിനെ കണ്ടെത്തി. ഞങ്ങള്‍ വിവാഹിതരാവുകയാണ്” എന്നാണ് താരം വീഡിയോ പങ്കുവെച്ച് തമാശയായി കുറിച്ചിരിക്കുന്നത്.
ബോളിവുഡ് താരം അജയ് ദേവ്ഗണ്‍ ചിത്രം ‘ഭുജ്: ദ പ്രൈഡ് ഓഫ് ഇന്ത്യ’ ആണ് നോറ വേഷമിടുന്ന ഏറ്റവും പുതിയ ചിത്രം. വരുണ്‍ ധവാന്‍ ചിത്രം ‘ഡാന്‍സര്‍ 3ഡി’ ആണ് നോറയുടെതായി റിലീസിനൊരുങ്ങുന്ന ചിത്രം. കനേഡിയന്‍ നര്‍ത്തകിയും മോഡലുമായ നോറ ഇന്ത്യന്‍ സിനിമകളിലൂടെയാണ് സൂപ്പർ താരമായത്.
ഹിറ്റ് ചിത്രമായ ‘റോര്‍: ടൈഗേഴ്‌സ് ഓഫ് ദ സുന്ദര്‍ബന്‍സ്’ ആണ് ആദ്യ ബോളിവുഡ് ചിത്രം. ‘ബാഹുബലി’യിലെ ”മനോഹരി” എന്ന നൃത്തതിലൂടെ തെലുങ്കിലും ഏറെ ശ്രദ്ധ നേടിയ താരം മലയാളത്തിലും വേഷമിട്ടു. ‘ഡബിള്‍ ബാരല്‍’, ‘കായംകുളം കൊച്ചുണ്ണി’ എന്നീ സിനിമകളില്‍ ഐറ്റം ഡാന്‍സ് അവതരിപ്പിച്ചിട്ടുണ്ട്.
Post Your Comments