‘ഒന്നും നിങ്ങളെ പിന്നോട്ടുവലിക്കാന്‍ അനുവദിക്കരുത്’; വീഡിയോയുമായി നടി ഭാഗ്യശ്രീ

ബോളിവുഡിലെ താര സുന്ദരിയാണ് ഭാഗ്യശ്രീ. 1989ല്‍ പുറത്തിറങ്ങിയ ‘മേ നേ പ്യാര്‍ കിയാ’ എന്ന ചിത്രത്തിലൂടെ ആരാധക പ്രീതിനേടിയ ഭാഗ്യശ്രീ വിവാഹത്തോടെ സിനിമയില്‍ നിന്നും വിട്ടു നില്‍ക്കുകയാണ്. എന്നാലും തന്റെ ശരീര സൗന്ദര്യം കാത്തു സൂക്ഷിക്കുന്നതില്‍ വിട്ടുവീഴ്ച ഈ താരം കാണിക്കാറില്ല. 51കാരിയായ ഭാഗ്യശ്രീയും വര്‍ക്കൗട്ട് വീഡിയോകളുമായി സോഷ്യല്‍ മീഡിയയില്‍ സജീവമാണ്.

ഇന്‍സ്റ്റാഗ്രാമില്‍ സജീവയായ ഭാ​ഗ്യശ്രീയുടെ പുതിയ വര്‍ക്കൗട്ട് വിഡിയോയാണ് വൈറലാകുന്നത്. വീട്ടില്‍ തന്നെ ചെയ്യാന്‍ കഴിയുന്ന കാര്‍ഡിയോ വര്‍ക്കൗട്ടാണ് നടി ആരാധകര്‍ക്ക് പരിചയപ്പെടുത്തിയിരിക്കുന്നത്. റെസിസ്റ്റന്റ് ബാന്‍ഡുകള്‍ ഉപയോ​ഗിച്ചുള്ളതാണ് വര്‍ക്കൗട്ട്.

‘ഒന്നും നിങ്ങളെ പിന്നോട്ടുവലിക്കാന്‍ അനുവദിക്കരുത്’ എന്ന് കുറിച്ചാണ് നടി വിഡിയോ പങ്കുവച്ചിരിക്കുന്നത്. വിശ്വസിക്കൂ,നേടു, പ്രചോദിപ്പിക്കൂ തുടങ്ങിയ ഹാഷ്ടാഗുകളും വിഡിയോയ്ക്ക് നല്‍കിയിട്ടുണ്ട്.

https://www.instagram.com/p/CCGRKj1HqIV/?utm_source=ig_web_copy_link