എന്തൊരു കില്ലർ ലുക്ക്!! മാസ്സായി ‘കടുവാക്കുന്നേല്‍ കുറുവച്ചന്‍’

അറുപത്തിയൊന്നാം പിറന്നാള്‍ സമ്മാനവുമായി സുരേഷ് ഗോപി. താരത്തിന്റെ ഇരുന്നൂറ്റിയമ്പതാമത് സിനിമയുടെ മോഷന്‍ പോസ്റ്റര്‍ പുറത്തിറങ്ങി.

നവാഗതനായ മാത്യൂസ് തോമസ് സംവിധാനംചെയ്യുന്ന ചിത്രം നിര്‍മിക്കുന്നത് ടോമിച്ചന്‍ മുളകുപാടമാണ്. കടുവാക്കുന്നേല്‍ കുറുവച്ചന്‍ എന്ന പേരിലാണ് ചിത്രത്തിൽ സുരേഷ് ഗോപി പ്രത്യക്ഷപ്പെടുന്നത്.

എന്തൊരു കില്ലർ ലുക്കാണിതെന്നാണ് മോഷൻ പോസ്റ്റർ ലോഞ്ച് ചെയ്തുകൊണ്ട് ദുൽഖർ സൽമാൻ ട്വിറ്ററിൽ കുറിച്ചു. സുരേഷ് ഗോപിയുടെ പിറന്നാള്‍ദിനം ചിത്രത്തിന്റെ മോഷൻ പോസ്റ്റർ പങ്കു വെയ്ക്കാനായതിൽ സന്തോഷമുണ്ടെന്നും ദുൽഖർ കൂട്ടിച്ചേര്‍ത്തു.