പ്രശസ്ത സംവിധായകനും തിരക്കഥാകൃത്തുമായ സച്ചി ഗുരുതരാവസ്ഥയില്‍ ആശുപത്രിയില്‍. തൃശൂരിലെ ഒരു ആശുപത്രിയില്‍ ആണുള്ളതെന്നും ആരോഗ്യസ്ഥിതി മോശമാണെന്നുമാണ് റിപ്പോര്‍ട്ടുകള്‍, നടുവിന് ഒരു ശസ്ത്രക്രിയ വേണ്ടി വന്നപ്പോഴാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.
എന്നാൽ ശസ്ത്രക്രിയക്കിടെ ഹൃദയാഘാതം വന്നുവെന്നും തുടര്‍ന്ന് നില വഷളാവുകയായിരുന്നു. ഈ വര്‍ഷത്തെ സൂപ്പര്‍ ഹിറ്റ് ചിത്രങ്ങളിലൊന്നായ ‘അയ്യപ്പനും കോശിയും’ എഴുതി സംവിധാനം ചെയ്തത് സച്ചിയാണ്. പൃഥ്വിരാജ് ചിത്രം ‘ഡ്രൈവിംഗ് ലൈസന്‍സ്’ രചിച്ചതും സച്ചി ആയിരുന്നു.
കൂടാതെ പൃഥ്വിരാജ് നായകനായ ‘അനാര്‍ക്കലി’ ആയിരുന്നു സംവിധായകനായി സച്ചി അരങ്ങേറ്റം കുറിച്ച ചിത്രം. രാമലീല, റണ്‍ ബേബി റണ്‍ എന്നീ ചിത്രങ്ങള്‍ക്ക് തിരക്കഥ ഒരുക്കിയതും സച്ചിയാണ്.
Post Your Comments