തമിഴ് സൂപ്പർ താരം സൂര്യ ചിത്രം ‘സൂരറൈ പൊട്രു’വിന്റെ സെന്‍സറിംഗ് പൂര്‍ത്തിയായി, യു സര്‍ട്ടിഫിക്കറ്റ് ആണ് ചിത്രത്തിന്. സുധ കൊങ്കര സംവിധാനം ചെയ്യുന്ന ചിത്രത്തില്‍ നായികയായി എത്തുന്നത് മലയാളി താരം അപര്‍ണ ബലമുരളിയാണ്.
സൂര്യയുടെ നായികയായി എത്തുന്നതിന്റെ ത്രില്ലിലാണ് അപർണ്ണ, സൂപ്പർ സ്റ്റാറിനൊപ്പം നടി അഭിനയിക്കുന്നത് കാണാൻ കാത്തിരിക്കുകയാണ് ആരാധകരും.
ആഭ്യന്തര വിമാന സര്‍വ്വീസ് ആയ എയര്‍ ഡെക്കാണിന്റെ സ്ഥാപകന്‍ ജി ആര്‍ ഗോപിനാഥിന്റെ ജീവിതത്തെ ആസ്പദമാക്കിയുള്ളതാണ് സിനിമ.
നിരൂപകപ്രീതിയും പ്രേക്ഷകശ്രദ്ധയും ഒരുപോലെ നേടിയ ഇരുധി സുട്രുവിന്റെ സംവിധായികയാണ് സുധ കൊങ്കര. ഡോ. എം മോഹന്‍ ബാബു, പരേഷ് റാവല്‍, ഉര്‍വ്വശി, കരുണാസ്, വിവേക് പ്രസന്ന, കൃഷ്ണകുമാര്‍, കാളി വെങ്കട് തുടങ്ങിയവരും ചിത്രത്തിന്റെ ഭാഗമായെത്തും.
Post Your Comments