ഇത് നമ്മുടെ സിൽക്ക് സ്മിതയല്ലേ; ഞെട്ടിക്കുന്ന സാമ്യവുമായി ഒരു പെൺകുട്ടി

24 വർഷങ്ങൾക്ക് മുൻപ് മൺമറഞ്ഞ് പോയിട്ടും ഇന്നും നിരവധി ആരാധകരുള്ള താരമാണ് സിൽക്ക് സ്മിത.  1980-90 കാലങ്ങളില്‍ മലയാളത്തിലും തമിഴിലുമായി തിളങ്ങി നിന്ന സിൽക്ക് സ്മിത രജനീകാന്ത്, കമല്‍ഹാസന്‍, മോഹന്‍ലാല്‍, മമ്മൂട്ടി, ചിരഞ്ജീവി തുടങ്ങിയ താരങ്ങള്‍ക്കൊപ്പവും അഭിനയിച്ചിട്ടുണ്ട്.

 

சிலுக்கு ?? pic.twitter.com/cIaGRpikWV

— ⭐கருப்பு மன்னன் ⭐️ (@yaar_ni) October 10, 2019

ഇപ്പോഴിതാ സിൽക്ക് സ്മിതയുമായി അസാധ്യ രൂപസാദൃശ്യം കൊണ്ട് ആശ്ചര്യപ്പെടുത്തുകയാണ് ഒരു പെൺകുട്ടി. താര ആർ.കെ എന്ന ടിക് ടോക്ക് പ്രൊഫൈൽ പങ്കുവച്ച ഒരു വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാവുന്നത്. മോഹൻലാൽ-ഭദ്രൻ കൂട്ടുകെട്ടിൽ പിറന്ന സ്ഫടികം എന്ന സൂപ്പർഹിറ്റ് ചിത്രത്തിലെ സിൽക്ക് സ്മിതയെ ആണ് ഈ പെൺകുട്ടി അനുകരിക്കുന്നത്.

നേരത്തെയും സിൽക്കിന്റെ ഡ്യൂപ്പിന്റെ ടിക് ടോക് വീഡിയോ വൈറലായിരുന്നു. സ്മിതയും രജനികാന്തും അഭിനയിച്ച ‘പേസ കൂടാത്’ എന്ന ഗാനമാണ് അന്ന് ഒരു പെൺ‍കുട്ടി ടിക്ടോക്കില്‍ അവതരിപ്പിച്ചത്.