സോഷ്യല്‍ മീഡിയയില്‍ വ്യാജ വാര്‍ത്തകള്‍ ധാരാളം പ്രചരിക്കാറുണ്ട്. അതില്‍ കൂടുതലും സെലിബ്രിറ്റികളുടെ മരണമാണ്. ഇപ്പോഴിതാ സ്വന്തം മരണ വാർത്ത വിളിച്ചന്വേഷിക്കുന്നവർക്ക് മറുപടി കൊടുക്കേണ്ടി വരുന്ന സന്ദര്‍ഭം അവതരിപ്പിച്ചു കാണിക്കുകയാണ് മലയാളത്തിന്റെ പ്രിയ നടൻ മാമൂക്കോയ.
ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പിന്റെ വ്യാജ വാർത്തക്കെതിരായ ക്യാംപെയ്നിന്റെ ഭാഗമായി തയാറാക്കിയ വിഡിയോയുടെ ഭാഗമായായിരുന്നു അഭിനയം.
ഫോണ്‍ ബെല്ലോട് കൂടിയാണ് ആരംഭിക്കുന്ന വീഡിയോയില്‍ ഹലോ മാമുക്കേയല്ലേ… അതേ എന്ന് മറുപടിയും. നിങ്ങള്‍ മരിച്ചില്ലാ എന്ന് മറുചോദ്യം. ഇതുവരെ മരിച്ചില്ലെന്നും മരിക്കുമ്ബോള്‍ അറിയിക്കാമെന്നും പറഞ്ഞ് ഫോണ്‍ സംഭാഷണം അവസാനിക്കുകയാണ്. ഈ നേരം കൊണ്ട് മരണ വാര്‍ത്ത അന്വേഷിച്ചു കൊണ്ട് നിരവധി ഫോണാണ് വന്നിരിക്കുന്നതെന്ന് താരം അടുത്തിരിക്കുന്ന ആളോട് പറയുന്നു.
അതിനുവേണ്ടി ആര്‍ക്കാണ് ഇങ്ങളോട് ഇത്ര ശത്രുത എന്ന് അടുത്തിരിക്കുന്നയാള്‍ ചോദിക്കുമ്ബോള്‍, അത് മമ്മൂട്ടിക്കാണെന്നാണ് മാമുക്കോയ നല്‍കുന്ന ഉത്തരം. തങ്ങള്‍ തമ്മിലാണ് സ്റ്റാര്‍ വ്യാലുവില്‍ കടുത്ത മത്സരം. എന്ന് ഹാസ്യരൂപേണ മറുപടിയും നല്‍കുന്നുണ്ട്.
പണിയില്ലാത്ത കുറെ പേര് പടച്ചു വിടുന്ന വാര്‍ത്ത വിശ്വസിക്കാന്‍ പണിയില്ലാത്ത വേറെ കുറേപേര്‍. ഇത്തരം കാര്യങ്ങള്‍ കാട്ടുതീ പോലെ പടര്‍ന്നു പിടിക്കാന്‍ കാരണമാവുന്നതും. ഇതിനെതിരെ ജാഗരൂഗരായിരിക്കാനുള്ള സന്ദേശവും മാമുക്കോയ വീഡിയോയിലൂടെ നല്‍കുന്നു. ഇത്തരം വാര്‍ത്തകള്‍ കേള്‍ക്കുന്നവര്‍ അധികൃതരെ ബന്ധപ്പെടണമെന്നും വീഡിയോയിലൂടെ താരം പറയുന്നു.
Post Your Comments