മലയാളത്തിന്റെ പ്രിയ താരം മോഹന്‍ലാലിന്റെ മുപ്പത്തിരണ്ടാം വിവാഹ വാര്‍ഷികമായിരുന്നു ദിവസങ്ങള്‍ക്ക് മുന്പ്. ആളും ആരാവവും ഒന്നുമില്ലാതെ, തിരക്കുകള്‍ ഒഴിഞ്ഞുള്ള ഒരു വാര്‍ഷികം ഇത് ആദ്യമായാണ്‌. എന്നാല്‍ ഈ വാര്‍ഷികം വെറൈറ്റിയായി തന്നെയാണ് മലയാളത്തിന്റെ സ്വന്തം ലാലേട്ടന്‍ ആഘോഷിച്ചത്.
വിവാഹ വാര്‍ഷികദിനത്തില്‍ അടുത്ത കൂട്ടുകാരെ തേടിയെത്തിയത് ലാലിന്റെ ഒരു സര്‍പ്രൈസ് സമ്മാനമാണ്. ഒരു പാട്ട്. അതും ലാലിന്റെ സ്വരത്തില്‍. കാടില്‍ ശ്രീകുമാരന്‍ തമ്പി രചിച്ച് വേദ്പാല്‍ വര്‍മ ഈണമിട്ട ഏഴിലം പാല പൂത്തു പൂമരങ്ങള്‍ കുട പിടിച്ചു എന്ന ഹിറ്റ് ഗാനമാണ് മോഹന്‍ലാല്‍ ആലപിച്ചത്. യേശുദാസും പി.സുശീലയും പാടി അനശ്വരമാക്കിയ ഗാനം മോഹന്‍ലാലിനൊപ്പം പാടിയത് ആരെന്ന സംശയത്തിലാണ് സുഹൃത്തുക്കള്‍. ചിലരെങ്കിലും ലാലിനോട് നേരിട്ടു തന്നെ ചോദിച്ചു. കാത്തിരുന്നു കാണൂ എന്നായിരുന്നു സസ്‌പെന്‍സ് പുറത്തുവിടാതെയുള്ള ലാലിന്റെ മറുപടി.
Post Your Comments