വളരെ ചുരുങ്ങിയ കാലം കൊണ്ട് മലയാള സിനിമയിലെ യുവ നടിയായി ശ്രദ്ധ നേടിയ താരമാണ് അഹാന കൃഷ്‍ണകുമാർ. സോഷ്യൽ മീഡിയിൽ സജീവമായ അഹാന തന്റെ വിശേഷങ്ങളെല്ലാം ആരാധകരുമായി പങ്കുവെയ്ക്കാറുണ്ട്. ഇപ്പോഴിതാ ലോക്ക് ഡൗണ്‍ കാലത്ത് അഹാന കൃഷ്‍ണകുമാര്‍ ഷെയര്‍ ചെയ്‍ത പുതിയ ഒരു ഫോട്ടോയാണ് ആരാധകര്‍ ചര്‍ച്ചയാക്കുന്നത്. സഹോദരിമാര്‍ക്കൊപ്പമുള്ള ഫോട്ടോയാണ് അഹാന കൃഷ്‍ണകുമാര്‍ ഷെയര്‍ ചെയ്‍തിരിക്കുന്നത്.
സഹോദരിമാരായ ദിയ കൃഷ്‍ണകുമാര്‍, ഇഷാനി കൃഷ്‍ണകുമാര്‍, ഹൻസിക കൃഷ്‍ണകുമാര്‍ എന്നിവരാണ് അഹാനയ്‌ക്കൊപ്പം ഫോട്ടോയിലുള്ളത്. പെൻസിലിന്റെയും ബുക്കിന്റെയും കട്ടറിന്റെയും ഇറേസറിന്റെയും രൂപങ്ങളുമുണ്ട് ഫോട്ടോയില്‍. നിരവധി ആരാധകരാണ് ഫോട്ടോയ്‍ക്ക് കമന്റ് ചെയ്‍തിരിക്കുന്നത്. അക്കാലത്ത് പെൻസിലും നോട്ടുബുക്കുമൊക്കെയാണ് തങ്ങളുടെ അടുത്ത കൂട്ടുകാര്‍ എന്നാണ് അഹാന കൃഷ്‍ണകുമാര്‍ ഫോട്ടോയ്‍ക്ക് അടിക്കുറിപ്പായി എഴുതിയിരിക്കുന്നത്.
Post Your Comments