പ്രതിഷേധത്തിന് ഫലം കണ്ടു; പാചകത്തിൽ നിന്നും പുസ്തകം വായിക്കുന്ന മാളവികയായി പുതിയ പോസ്റ്റർ

വിജയ് നായകനായി എത്തുന്ന പുതിയ ചിത്രമാണ് മാസ്റ്റർ. കഴിഞ്ഞ ദിവസം ചിത്രത്തിലെ കഥാപാത്രങ്ങളെ ഉൾപ്പെടുത്തി സാങ്കൽപ്പിക ക്വാറന്റീൻ വീട് ആരാധകൻ ഒരുക്കിയിരുന്നു. എന്നാൽ ആ പോസ്റ്ററിനെതിരെ വിമർശനവുമായി ചിത്രത്തിലെ നായിക മാളവിക മോഹനൻ രം​ഗത്തെത്തിയിരുന്നു.

ചിത്രത്തിലെ നടൻമാരായ വിജയ്, വിജയ് സേതുപതി, ശന്തനുഭാ​ഗ്യരാജ്, സംധായകൻ ലോകേഷ് കനകരാജ്, എന്നീ പുരുഷൻമാർ പാട്ടുകേൾക്കുക, കളിക്കുക, പിയാനോ വായിക്കുക തുടങ്ങിയ വിനോദങ്ങളിൽ ഏർപ്പെടുമ്പോൾ മാളവിക പാചകത്തിലാണ്. ഇത് ശ്രദ്ധയിൽപ്പെട്ട മാളവിക ”ഒരു സാങ്കൽപ്പിക മൂവി ഹൗസിൽ പോലും സ്ത്രീയുടെ ജോലി പാചകമാണ്, ഈ ലിം​ഗഭേദം എന്നില്ലാതാകും- എന്ന് കുറിച്ചു.

 

I love this version! ? And how did you know I love reading?! ?♥️ #masterquarantine #masterteamquarantine https://t.co/uE6gJReBo4

— malavika mohanan (@MalavikaM_) April 27, 2020

മാളവികയുടെ വിമർശനം ആരാധകരും ഏറ്റെടുത്തതോടെയാണ് പോസ്റ്ററിൽ ചില ഭേദ​ഗതികൾ വരുത്തിയിരിക്കുന്നത്. പാചകം ചെയ്യുന്ന മാളവികയ്ക്ക് പകരം പുസ്തകം വായിക്കുന്ന മാളവികയാണ് പുതിയ പോസ്റ്ററിലുള്ളത്. പുതിയ പോസ്റ്റർ തനിക്ക് ഇഷ്ടമായെന്നും താൻ വായന ഇഷ്ടപ്പെടുന്ന ഒരു വ്യക്തിയാണെന്ന് എങ്ങിനെ മനസ്സിലായെന്നും മാളവിക കുറിച്ചു.