ലോക് ഡൌണില്‍ വീട്ടില്‍ തന്നെ കഴിയുന്ന അമിതാഭ് ബച്ചന്‍ സോഷ്യല്‍ മീഡിയയിലൂടെ തന്റെ വിശേഷങ്ങള്‍ ആരാധകരുമായി പങ്കുവയ്ക്കാറുണ്ട്. തന്റെ വീടായ ജല്‍സയില്‍ എത്തിയ അതിഥിയെക്കുറിച്ചു താരം പങ്കുവച്ച ഒരു കുറിപ്പ് അമ്പരപ്പോടെയാണ് ആരാധകര്‍ ഏറ്റെടുത്തിരിക്കുന്നത്. ഒരു വവ്വാല്‍ മുറിയിലേക്ക് അതിക്രമിച്ചു കടന്നത് ബ്രേക്കിങ് ന്യൂസായിട്ടാണ് താരം പങ്കുവച്ചിരിക്കുന്നത്.
ബ്രേക്കിങ് ന്യൂസ്, ഈ മണിക്കൂറിലെ വാര്‍ത്ത. ജല്‍സയിലെ മൂന്നാം നിലയിലുള്ള എന്റെ മുറിയില്‍ ഒരു വവ്വാല്‍ കയറി. അവിടെയാണ് ഞങ്ങള്‍ ഇരുന്നു സമയം ചെലവഴിക്കാറുള്ളത്. ഇതിനെ ഈ മേഖലയില്‍ മുന്‍പ് കണ്ടിട്ടില്ല. ഒറ്റയ്ക്ക് എന്റെ മുറിയില്‍ എന്റെ വീട്ടിലാണ്. ഇതിന് ഞങ്ങളുടെ വീട് മാത്രമേ കിട്ടിയൊള്ളൂ. കൊറോണ വൈറസ് കാരണം പുറത്തിറങ്ങാന്‍ പറ്റുന്നില്ല. ഇതാണെങ്കില്‍ പറന്നു പറന്നു വരികയാണ്. – ബിഗ് ബി സമൂഹമാധ്യമത്തില്‍ കുറിച്ചു.
വവ്വാലാണ് കൊറോണ വൈറസിന് കാരണം എന്ന റിപ്പോര്‍ട്ടുകള്‍ ഉള്ളതിനാല്‍ താരത്തിന്റെ പോസ്റ്റിന് താഴെ ആശങ്ക പങ്കുവെച്ച്‌ താരങ്ങള്‍ ഉള്‍പ്പെടെയുള്ള ആരാധകര്‍ രംഗത്തെത്തിയിട്ടുണ്ട്
Post Your Comments