‘പൂപ്പൽ പിടിച്ച ഒരു പഴംകാഴ്ച’ ഇടവേള ബാബു കുത്തിപ്പൊക്കൽ ചിത്രവുമായി ഷമ്മി തിലകൻ

ലോക്ഡൌണ്‍ ആയതോടെ വീടുകളില്‍ തന്നെ കഴിയുകയാണ് താരങ്ങളും. നടന്‍ ഇടവേള ബാബുവിനൊപ്പമുള്ള ഓർമ്മച്ചിത്രം പങ്കുവച്ചിരിക്കുകയാണ് പ്രിയതാരം ഷമ്മി തിലകൻ.

‘പൂപ്പൽ പിടിച്ച ഒരു പഴംകാഴ്ച’ എന്ന തലക്കെട്ടോടെയാണ് ഷമ്മി തിലകൻ ചിത്രം സോഷ്യൽ മീഡിയയിൽ പങ്കുവച്ചിരിക്കുന്നത്. ഷമ്മി തിലകനും ഇടവേള ബാബുവും ഒന്നിച്ച് ഒരു മുറിയിൽ ഇരിക്കുന്നതാണ് ചിത്രം. ‘ടി.കെ.രാജീവ് കുമാറിന്റെ ഒറ്റയാൾ പട്ടാളം സിനിമയിൽ അഭിനയിക്കുമ്പോൾ ഇടവേളകൾ ഇല്ലാതെ എന്റെ മുറിയിൽ ഉണ്ടായിരുന്ന ബാബു…! കുത്തിപ്പൊക്കൽ…’ എന്നും ചിത്രത്തോടൊപ്പം ഷമ്മി തിലകൻ കുറിച്ചു.